Búgingi tańda álem chempıony ataǵyn 27 jastaǵy Magnýs Karlsen ıelenýde. Bul ataqqa ol 2013 jyly qol jetkizdi. Úmitkerler matchynda reseılik Vladımır Kramnıkti qapy qaldyrǵan Skandınavııa túbeginiń túlegi álemdik táj úshin tartysta úndistandyq Vıshvanatan Anandtan basym tústi. Al Italııada týyp-ósip, bul kúnderi AQSh-ta turyp jatqan 26 jastaǵy Fabıano Karýana ústimizdegi jyldyń naýryz aıynda Berlınde ótken týrnırde segiz sańlaqtyń arasynan sýyrylyp shyǵyp, chempıondyq ataq úshin talasý quqyǵyn jeńip aldy. Sol kezdiń ózinde-aq maıtalman mamandar Karlsen men Karýana arasyndaǵy básekeniń asa shıelenisti ótetinin aldyn-ala boljaǵan bolatyn.
Rasynda da solaı boldy. Olar bir-birine laıyqty qarsylas eken. Chempıondyq táj úshin talas 9 qarashada bastalǵan. Sol kezden beri 12 partııa oınaldy. Ekeýi de áli bir-biriniń osal tusyn taba alǵan joq. 12 oıynnyń barlyǵy da teń aıaqtaldy. Esep – 6:6. Endi kimniń álem chempıony atanatyny erteń taı-breıkte anyqtalady.
Ǵalym SÚLEIMEN,
«Egemen Qazaqstan»
