Bul esim jankúıerlermen jaqsy tanys. 48 jastaǵy Shymkent qalasynyń týmasy talaı baıraqty básekede el namysyn abyroıly qorǵap, jankúıerlerdiń qoshemetine bólendi. Atap aıtsaq, 2002 jáne 2006 jyldary álem chempıony atandy. Azııa oıyndarynda 1 altyn, 2 kúmis jáne 3 qola medaldi oljalady. Qurlyq birinshiliginde talaı márte jeńis tuǵyryna kóterilip, kóptegen halyqaralyq dodalarda daıarlanady. 2000-2012 jyldar aralyǵynda tórt birdeı Olımpııa oıyndaryna qatysty. 2004 jyly Afınydaǵy jarysta Olga tórtinshi orynǵa taban tiredi. Úlken sporttaǵy eńbegi elengen Dovgýn «Qurmet» ordenimen marapattaldy.
Jasyratyny joq, qazirgi kezde sporttyń bul túriniń damý barysy elimizde biraz báseńdep qaldy. Endi Olga Dovgýndaı maıtalman maman sol olqylyqtyń ornyn toltyrýǵa barynsha kúsh salady degen úmittenemiz.
Ǵalym SÚLEIMEN,
«Egemen Qazaqstan»
