О́z tarıhymyzdy bilý, tarıhı oqıǵalar men qubylystardy taný qazaqtardyń jáne basqa da etnıkalyq toptardyń etnogenezine áser etedi, sol arqyly biz ótkenimizdiń ulylyǵyn tereń tanımyz. Sol arqyly qazirgi zamanǵy qazaqstandyqtardyń qoǵamdyq sanasy tarıhtyń jarqyn mysaldarymen jetildiriledi. «Tól tarıhyn biletin, baǵalaıtyn jáne maqtan etetin halyqtyń bolashaǵy zor bolady» degen oıdyń Elbasy tarapynan senimmen aıtylýy Qazaqstan halqyn jarqyn bolashaǵymyzǵa baǵyttaıdy jáne jigerlendirdi.
Uly dalanyń qyrlaryn usyna otyryp, Prezıdent N.Á.Nazarbaev ǵalamdyq tarıhta bizdiń rólimizdi baıypty jáne obektıvti túsinýde naqty ǵylymı faktilerge súıenýdiń qajettigin aıtýy, bizderdi – Qazaqstan halqyn, jas urpaqty óz tarıhymyzdy tanýǵa jumyldyrý dep túsinýge jeteleıdi.
Bizdiń aldymyzǵa qoıylǵan maqsattarǵa jetý úshin mindetti túrde tarıhymyzdy bilýge tıispiz.
Men kásibı muǵalim retinde, bolashaq urpaqty bilim alý aıasyn keńeıtýge umtylýǵa shaqyrar edim. Sonda biz memleketimizdiń úsh ustyny sanalatyn ekonomıka, áleýmettik damý jáne rýhanııat úsheýin de qatar jetildirer edik.Tarıhty taný osylardyń ishinde biregeı baǵyt retinde damı túsken bolar edi.
«Rýhanı jańǵyrý» baǵdarlamasynyń ıgi nátıjelerin jalǵastyra túsýge jol ashyldy. Endigi jerde osy baǵytqa belgilengen ǵylymı jáne qarjylyq resýrstardy tıimdi paıdalanyp, qazaq handyǵynan buryn mekendegen ejelgi halyqtyń óndirisi, mádenıeti men ónerin órkenıetimizdiń baǵzy zamanynan kúni búginge deıingi merzimin barynsha ádil, shynshyl jetildirýge kúsh salýymyz qajet. Osy oraıda, ótken zamanda bastaýy Qazaqstan jerinde bolǵan, ómirimizge óshpes iz qaldyrǵan sabaqtastyqtyń jańa zamanda da damı túskeniniń jalǵastary bolýymyz qajet.
Bul jerde aıtaıyn degenim, qyzǵaldaq pen almanyń mekeni ekenimizdiń tarıhı turǵydan dáleldenýi, búgingi ómirimizge de kórinis taýyp, burynǵy jetistikterimizge qaıta orala tússek degen nıettemiz.
Jurtshylyqtyń qyzý talqylaýy men pikir almasýyna túsken Elbasynyń bul maqalasy baǵzy zamannan kele jatqan asyl qundylyqtarymyzdy qadir tutýǵa, táýelsiz urpaǵymyzdyń bolashaǵyna paıdalanýǵa jol silteıtin qundy dúnıe jáne maqalada atalǵan barsha máseleler halqymyzdyń bul kúnge deıingi tarıhymen jáne budan keıingi bolashaǵymen tikeleı baılanysty. Bul maqala bizdiń Kóshbasshymyzdyń rýhanı jańǵyrý baǵdarlamasynyń zańdy jalǵasy.
Natalıa JUMADILDAEVA,
Májilis depýtaty
