Endi kent turǵyndary Jibek matalar kombınaty yqsham aýdanyndaǵy Soljaǵalaýlyq emhanaǵa sabylmaı, osy jerde em qabyldaıtyn bolady. Densaýlyq nysany Kúlenov aýdany men sol jaǵalaýdyń 12 myń turǵynyna, naqytraq aıtsaq, kúnine 212 adamǵa qyzmet kórsetpek.
«Elbasymyz densaýlyq saqtaý salasyna árdaıym aıryqsha kóńil bóledi. Osy oraıda biz mereke qarsańynda oblys ortalyǵynda jańartylǵan emhana ashyp otyrmyz. Bul ǵımarat kóp ýaqyttan beri bos turǵan edi. Biz ony bir jarym jyldyń ishinde qalypqa keltirdik», dedi Danıal Ahmetov.
Oblystyq densaýlyq saqtaý basqarmasy basshysy Marat Shoranovtyń aıtýynsha, ǵımaratty kúrdeli jóndeýden ótkizip, jańartýǵa bıýdjetten 500 mıllıon teńgeden astam, medısınalyq qurylǵylar alýǵa 301,7 mln. teńge qarajat jumsalypty.
Azamat QASYM,
«Egemen Qazaqstan»
О́SKEMEN
