2018 jyldyń qorytyndysy boıynsha Departament tarapynan oblysymyzdyń tabıǵat paıdalanýshylar is – sharýashylyǵyna 56 tekserý júrgizilip (8 josparly, 45 jospardan tys jáne 3 baqylaýdyń ózge de nysany boıynsha), 88 ekologııalyq zań talaptarynyń buzylý faktisi anyqtaldy. Nátıjesinde, kináli tulǵalarǵa qatysty shamamen jalpy somasy 30 mlrd.teńgeni quraıtyn 142 ákimshilik ister qozǵaldy.
Búgingi tańda, salynǵan aıyppuldardyń 61,4 mln teńgesi memleket paıdasyna óndirildi, qalǵan 29,7 mlrd teńgeni memleket paıdasyna óndirý baǵytyndaǵy qujattar zań oryndarynda qaralýda.
Sonymen qatar, ekologııalyq zańnama talaptaryn buzý saldarynan qorshaǵan ortaǵa keltirilgen zalaldy óteý maqsatynda Departament tarapynan aǵymdaǵy jyly 853,045 mln teńgeni quraıtyn 65 nusqama berildi.
Qazirgi tańda, memleket paıdasyna 311,2 mln. teńgesi óndirildi, al qalǵan sommalar májbúrlep óndirý úshin sot organdarynda qaralýda.
2018 jyly júrgizilgen tekseris qortyndysymen qorshaǵan ortaǵa emıssııalarǵa ruqsat almaı, qorshaǵan ortaǵa keltirilgen zııany úshin «SMK Atmeken», «Azııamýnaıgrýppservıs», «Aktaýkeramzıt», «Kıs Aktaý», «Sırýs Kazahstan», «Semen Beton» jáne «Mańǵystaýmýnaıgaz» syndy 7 mekemeniń óndiris oshaqtarynyń qyzmeti sot sheshimderimen toqtatylǵan.
Bul baǵyttaǵy jumystar bıylǵy jyly da jalǵasýda.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
