Oblystaǵy jergilikti bıýdjetten qarjylandyrylatyn Beıneý jáne Sam memlekettik orman mekemeleriniń jalpy orman qory jeriniń kólemi – 241 599 myń ga, onyń ishinde orman jamylǵysy 122 432 ga. quraıdy. Olarda jylyna 300 ga jerge qara sekseýil tuqymdary sebiledi. Sońǵy eki jylda 206 ga (2017 jyly 148 ga, 2018 jyly 56 ga) orman jamylǵysy orman qory jerine qosyldy. Beıneý aýylyndaǵy kárizdik tazartý qondyrǵysynan tazaryp shyqqan sýdy paıdalanýǵa laıyqtalǵan, jylyna 1 mln sekseýil óskinderin daıyndaýǵa arnalǵan quny 98,0 mln teńge turatyn jalpy kólemi 8,75 ga turaqty orman pıtomnıgin salýdyń, sondaı-aq Bozashy túbeginde memlekettik rezervtegi jerde aýmaǵy 76305 ga, quny 67,0 mln teńge bolatyn jańa orman mekemesin qurýdyń barlyq qujattary daıyn. Sonymen qatar «Mańǵystaý oblysy ákimdiginiń ormandaryn molyqtyrý jáne orman ósirý kólemin ulǵaıtýdyń 2019-2030 jyldarǵa arnalǵan qadamdyq Jospary» QR AShM vıse mınıstrimen kelisilip, bekitilgen.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
