Ana men bala densaýlyǵyn qorǵaýda
Juma, 19 qazan 2012 7:21
Ońtústik Qazaqstan oblysyndaǵy Túlkibas aýdandyq perzenthana bólimi ilkimdi ister atqarýda
«Qazaqstan-2030» Strategııalyq baǵdarlamasyna otbasyn josparlaý máselesiniń engizilýi jaıdan-jaı emes ekendigi anyq. Endeshe, otbasy máselesi, ony josparlaý degenimiz – áıelderdiń ósimtaldyq, ıaǵnı ósip-óný úrdisin qadaǵalaý arqyly densaýlyǵyn saqtaý jáne jaqsartý bolyp tabylady.
Juma, 19 qazan 2012 7:21
Ońtústik Qazaqstan oblysyndaǵy Túlkibas aýdandyq perzenthana bólimi ilkimdi ister atqarýda
«Qazaqstan-2030» Strategııalyq baǵdarlamasyna otbasyn josparlaý máselesiniń engizilýi jaıdan-jaı emes ekendigi anyq. Endeshe, otbasy máselesi, ony josparlaý degenimiz – áıelderdiń ósimtaldyq, ıaǵnı ósip-óný úrdisin qadaǵalaý arqyly densaýlyǵyn saqtaý jáne jaqsartý bolyp tabylady.
Qazirgi kezdegi medısına salasynyń mańyzdy jáne basymdy mindetteriniń qataryna ana densaýlyǵyn qorǵaý, sonyń nátıjesinde ómirge deni saý urpaqtyń kelýi, halyq sanynyń kóbeıýi tárizdi máseleler jatady. Osyǵan oraı bizdiń aýdandyq perzenthanamyz da aıtarlyqtaı jetistikterge qol jetkizip júr. Bul kúnderi perzenthananyń barlyq bólmelerine bedeler ornatylyp, áıelderge gıgıenalyq jaǵdaılar jasalynǵan. Sonymen qatar, týylǵan nárestelerge qosymsha arnaıy kereýetter bólingen. Bosaný zaldarynda tabıǵı jolmen bosanýǵa jaǵdaı jasalynyp, atap aıtqanda, shved qabyrǵalary qondyrylyp, tolǵaqty jeńildetýge arnalǵan arqandar ilingen. Túıindep aıtqanda, júkti áıelder úı jaǵdaıyndaǵydaı ártúrli qımylda bolady (otyryp, jatyp, arqan kómegimen taǵandap turyp jáne t.b), sóıtip onsha qınalmaı bosanýǵa múmkindik alady.
Bosanǵannan keıin ananyń balaǵa degen meıirimine yqpal etý maqsatynda náresteni kókiregine jatqyzady.
Perzenthanada atqarylyp jatqan is-sharalardyń qataryna bosaný seriktestigi modýli engizilgen, ıaǵnı bosanatyn áıelge úıindegi jaqyndarynyń bireýi kelip demeý bolady. Osy arada atap aıtarlyǵy – munda árbir bosanatyn áıelge jeke bólme bólingen.
Buǵan aýdan kóleminde birneshe jyldan beri jumys atqaryp kele jatqan Túlkibas aýdandyq salamatty ómir saltyn qalyptastyrý ortalyǵynyń qosqan úlesi súbeli. Ortalyqtan aı saıyn ana men bala densaýlyǵyna baılanysty «Qaýipti analyq», «Qýan, sábı», «Otbasyndaǵy sábıge kútim jasaý», «Bir jasqa deıingi balalardy tamaqtandyrý jónindegi keńester», «Qaýipsiz tamaqtanýdyń bes mańyzdy qaǵıdasy», «Júkti jáne emizetin áıelderdiń salamatty tamaqtaný negizderi», «Ana men sábı taǵamy» tárizdi aqparattyq-tanymdyq quraldar alynady. Sonymen birge, semınarlar, aýqymdy aksııalar, trenıngter, dóńgelek ústelder ótkizý dástúrge aınalǵan. Perzenthanada ár áıeldiń qursaq kóterýinen bastap týǵan kúnine deıin esepke alynady jáne densaýlyq mektebinde oqytylady. «Ana men bala» densaýlyǵy mektebinde barlyq jaǵdaı jasalǵan. Taqyrypqa saı bannerlermen, sanıtarlyq buryshtarmen jáne stendtermen jabdyqtalǵan. Ortalyq bergen aýdıo-beıne rolıkterdi kórsetý úshin de qolaıly oryn bar. Aı saıyn ana men balanyń densaýlyǵyn qorǵaý jáne jaqsartý maqsatynda perzenthana psıhology salamatty ómir saltyn qalyptastyrýǵa semınarlar júrgizip, paıdaly keńester beredi. Qoryta aıtqanda, halyqtyń, onyń ishinde ana men balanyń densaýlyǵyn jaqsartý úshin salamatty ómir saltyn nasıhattaý óte mańyzdy bolyp tabylady.
Degenmen, elimizdiń árbir azamaty tek medısınalyq aqparatpen jáne medısınalyq kómekpen shektelip qana qalmaı, óz densaýlyǵyna jaýapkershilikpen qaraý kerek ekenin umytpaǵany abzal.
Salamatty ómir saltyn ustanyńyzdar!
Ońtústik Qazaqstan oblysyndaǵy
Túlkibas aýdandyq salamatty ómir
saltyn qalyptastyrý ortalyǵy.
