О́tken jyldan bastap qalada Qurylysshylar dańǵylynyń Prıkanalnaıa kóshesinen Muqanov kóshesine deıingi bóliginde kúrdeli jóndeýler bastalǵan bolatyn. Qazirgi tańda bul ýchaskide káriz jelisi jańartylyp, orny aýystyrylyp jatyr jáne nóser kanalızasııasy salynýda. Bul jumystar bıylǵy jyly tolyqtaı aıaqtalady dep josparlanyp otyr.
2017-shi jyldan beri Qaraǵandyda Respýblıka dańǵyly men Táttimbet kóshesin qosatyn Prıkanalnaıa jańa kóshesi salynyp jatyr. Joldyń gúlzar úlgisinde jasalǵan bir bóliginde qurylys jumystary aıaqtaldy. Munda jaıaý júrginshiler joldary, tehnıkalyq jaıaýjoldar, velosıped joldary salyndy jáne jaryq shamdarynyń baǵanalary ornatyldy. Joldyń ekinshi bóligi bıylǵy jyly aıaqtalýy tıis.
Sondaı-aq 2019 jyly qala basshylyǵy Volochavsk kóshesinde de jańa jol salýdy josparlap otyr. Atalmysh jol Respýblıka dańǵyly men Táttimbet kóshesin biriktiretin bolady. Onyń uzyndyǵy 1,7 shaqyrymdy quraıdy. Jobada velosıped joly, nóser kárizi jáne tehnıkalyq jaıaýjol qarastyrylǵan.
Al 14-shi yqsham aýdanda bıylǵy jyly Maıqudyq pen respýblıkalyq mańyzy bar «Shyǵys aınalma joly» trassasyn qosatyn aınalyp ótý joly salynady.
Kúrdeli jóndeýler qazirgi árekettegi joldarda da júrgiziledi. Osylaısha, uzyndyǵy 10 shaqyrymdy quraıtyn K.Marks jáne Magnıtogorskaıa kóshelerindegi joldar tolyqtaı qalypqa keltiriledi. Bul jumystardy 2021 jylǵa deıin aıaqtaý kózdelip otyr. Sonymen qatar uzyndyǵy 8,8 shaqyrym jetinshi magıstral (Saran shossesinen bastap Táttimbet kóshesine deıin) jolynda kúrdeli jóndeý ótkizilip, ony 2020 jylǵa deıin aıaqtaý josparlanýda. Sol jyly Táttimbet kóshesindegi M-14 qıylysyn qalypqa keltirý aıaqtalady.
