Sharaına
Beısenbi, 1 qarasha 2012 7:07
«Sendı» qurbandary 42 adamǵa jetti
Sońǵy málimetter boıynsha, AQSh-taǵy «Sendı» daýyly qurbandarynyń sany 42 adamǵa jetti. Qaza bolǵandar Konnektıkýt, Merılend, Nıý-Iork, Nıý-Djersı, Soltústik Karolına, Pensılvanııa, Vırdjınııa jáne Batys Vırdjınııa shtattarynda tirkelip otyr.
Beısenbi, 1 qarasha 2012 7:07
«Sendı» qurbandary 42 adamǵa jetti
Sońǵy málimetter boıynsha, AQSh-taǵy «Sendı» daýyly qurbandarynyń sany 42 adamǵa jetti. Qaza bolǵandar Konnektıkýt, Merılend, Nıý-Iork, Nıý-Djersı, Soltústik Karolına, Pensılvanııa, Vırdjınııa jáne Batys Vırdjınııa shtattarynda tirkelip otyr.
Tutastaı alǵanda, daýyldan kóz jumǵandardyń jalpy sany búginde 110 adamǵa jetip jyǵylady. Qaza tapqandar AQSh-tan basqa Kanadada, Pýerto-Rıkoda, Kýbada, Iаmaıkada jáne Gaıtıde tirkelgen. Al bir Nıý-Iork qalasynyń ózinde kóz jumǵandar 18 adamdy quraıdy. Qala meri Maıkl Blýmbergtiń málimdeýinshe, qurbandyqtar sany jaqyn arada ósýi yqtımal. Osy aralyqta Nıý-Iorkte qutqarý jumystary jalǵasyp jatyr. Keıbir baǵamdaýlar boıynsha, daýyl AQSh-qa 45 mıllıard dollar shyǵyn ákelýi múmkin.
NATO-nyń eki áskerıi óltirildi
Aýǵanstanda jergilikti polısııa kıimin kıgen er adam Aýǵanstandaǵy halyqaralyq koalısııanyń eki áskerı qyzmetshisin atyp óltirgen. Bul týraly «Frans-Press» agenttigi habarlady. Qaqtyǵys Aýǵanstannyń ońtústigindegi Greshk provınsııasynda oryn alǵan.
Agenttikke belgili bolyp otyrǵanyndaı, óltirilgen áskerı qyzmetshiler brıtan soldattary kórinedi. Ulybrıtanııa qorǵanys mınıstrligindegiler ólgen soldattar Aýǵanstandaǵy NATO koalısııasy quramynda qyzmetterin ótep júrgen qyzmetkerler ekenin qýattaǵan. Biraq olardyń qaı ultqa jatatyndary týraly eshteńe habarlanbaıdy. NATO ókilderiniń sózderine qaraǵanda, áskerılerge shabýyldardyń 25 paıyzyn «Talıban» sodyrlary júzege asyrady.
Arafat máıiti eksgýmasııalanady
Fransııa úkimetindegi derek kózi «Assosheıted Press» agenttigine qupııa túrde osy eldiń mamandary qarasha aıynda Palestınanyń Iаsır Arafat jerlengen Ramalla qalasyna baratynyn, sóıtip, burynǵy Palestına basshysynyń máıitine eksgýmasııa júrgizetinin habarlaǵan.
Fransýzdar osylaısha bıologııalyq materıaldarǵa zertteý júrgizip, 2004 jyldyń qarashasynda qaıtys bolǵan Palestına kóshbasshysy óliminiń sebebin anyqtaý nıetinde kórinedi. Mundaı tekserý júrgizýge «Ál-Jazıra» telearnasynyń Arafat radıoaktıvti polonıı-210-men ýlanǵan degen nusqa ilgeriletkeni sebep bolyp otyr. Al eksgýmasııa júrgizip, bıologııalyq materıaldy tekserý týraly ótinishti fransýzdarǵa Arafattyń týystary men Palestına basshylyǵy jasapty.
Qysqa qaıyryp aıtqanda:
2011 jyldyń 24 qańtarynda Máskeýdiń Domodedovo áýejaıynda jasalǵan lańkestikten zardap shekken áıel áýejaı ákimshiliginen ótemaqy retinde 50 mıllıon rýbl talap etken. Sol terakt saldarynan 37 adam opat bolyp, 160-tan astamy jaralanǵany belgili.
Saýd Arabııasynda 25 adam toq soǵyp ólse, taǵy 30-y túrli dene jaraqatyn alǵan. Olardyń barlyǵy eldiń shyǵysynda ornalasqan Aın Badr aýylyndaǵy úılený toıyna jınalǵandar eken. Jergilikti polısııa oqıǵany tergeýge kirisip ketken.
Jańa kabınetti jasaqtatpady
Lıvııada demonstranttar Jalpyulttyq kongress ǵımaratyna basyp kirip, mınıstrler kabınetiniń jańa quramyn bekittirmeı tastaǵan. Bul jóninde «Assosheıted Press» agenttigi habarlady. Jańa úkimettiń usynylǵan quramyna narazy júz shaqty adam osylaı jasaǵan durys dep sheshken.
Oqıǵa Lıvııa parlamentiniń tóraǵasy Mohammed ál-Magrıf depýtattardy mınıstrler kabınetiniń quramy boıynsha daýys berýge shaqyrǵan sátte oryn alǵan. Lıvııadaǵy Jalpyulttyq kongress ústimizdegi jyldyń shildesinde saılanǵan bolatyn. Sóıtip, azamat soǵysy kezinde jasaqtalǵan О́tpeli ulttyq kongrestiń ókilettigin qabyldap alǵan edi. Al jańa úkimetten keıin elde prezıdenttik jáne parlamenttik saılaýlar ótýi tıis.
Vengrııaǵa ornyǵý quny – 250 myń eýro
Vengrııa basshylyǵy quny 250 myń eýrodan kem turmaıtyn memlekettik oblıgasııalardy satyp alǵan sheteldik azamattarǵa rezıdent mártebesin berýdi usyndy. Bul zań jobasy Vengrııanyń ulttyq qaryzyn joıýǵa járdemdesýi tıis. Al mundaı usynysty bıleýshi «Fıdes» partııasynyń depýtattary jasaǵan.
Usynys Eýroodaqqa múshe elder tarapynan synǵa ushyrap otyr. О́ıtkeni, mundaı usynysty Qytaı azamattary belsendi paıdalanýy múmkin degen boljam bar. Vengrııanyń ózi Eýroodaqqa 2004 jyly qabyldanǵan bolatyn. Eldiń qazirgi kezdegi qaryzy IJО́-niń 85 paıyzyn quraıdy. 3-4 jylda qaıtaramyz dep Býdapesht qaryzǵa suraǵan 15-20 mıllıard dollardy Halyqaralyq valıýta qory bergenimen, ústimizdegi jyly Eýroodaq basshylyǵy Vengrııaǵa óz qorynan aqsha bólýden bas tartqan bolatyn.
Deparde úshin ssenarıı jazdy
Fransýzdyń ataqty akteri Jerar Deparde ózbek fılmine túsýge aldyn ala kelisimin bergen. Bul týraly «Altyn gepard» halyqaralyq Tashkent kınoforýmynyń bas dırektory Akbar Hakımov málimdegen. Jergilikti basylymnyń habarlaýynsha, Deparde túsedi dep kútilip otyrǵan fılmniń ssenarııin Akbar Hakımov О́zbekstan prezıdentiniń qyzy Gúlnara Karımovamen birlesip jazypty.
Bul jerde áńgime oqıǵasy V-VI ǵasyrlarda Ortalyq Azııada órbıtin tarıhı serıal týraly bolyp otyr. Fransýz akteri fılmde Eýropadan kelgen monahtyń kishigirim rólin oınaıtyn kórinedi. Al G.Karımovanyń ózi «О́zbekstannyń mádenıeti men óneri forýmy» qoryna basshylyq jasasa, qor otandyq kınematografty qolynan kelgeninshe qoldap keledi eken. О́zbekstan basshysynyń úlken qyzy sondaı-aq óleń jazyp, zergerlik buıymdar, kosmetıka jáne óziniń «Guli» brendimen kıim-keshek shyǵarýmen de aınalysatyny belgili.
Internet materıaldary negizinde ázirlendi.
