Bılik – eń uly ıllıýzııa

Jetistikke kez kelgen tul­ǵa jetpeıdi. Másele sonda. Ji­gerińdi shyńdaýdyń tásili kóp bolǵanymen, onyń barlyǵy shynaıy ómirdegi júıede iske asa bermeıdi. О́timsiz. Yqpaly joq. Bos ıllıýzııa.

Bári yqpaldylyqtyń eń jo­ǵary núktesin alǵysy keledi. Árkim óz múmkindigin synap kóredi. Tirshilikke beıimdilik úlken tájirıbeni talap etedi. О́ziń jeke ómirińde toqyrap júrip, ózgelerge úlgi bolý múm­kin emes. Oǵan qurǵaq teorııalar da kómektespeıdi. Bılikke kez­deısoq adamdar da kelmeıdi.

Jasyq bolsań, ony júz tre­nıng te shyńdaı almaı­dy. Qadamyń batyl bolsa, jo­lyńdaǵy júz kedergi de seni toq­tata almaıdy. Bas­ty qupııa da osynda. Osyny fılm óz tilin­de jatyq túsindiredi. 

Qoǵamdaǵy saıqymazaq oıyn­dar. Fılmde onyń tabı­ǵaty men tili anaıy. Basqasha ashyp, jetkizý múmkin emes. Sebebi onyń bolmysy tunǵan   az­ǵyn­daý. Bul osy dáýirdiń bas­ynan ótkerip jatqan úderisi. Aqıq­aty. Tańdaýy.

Ata-anasy bilim jolynda oqýda dep úmit kútken qyzda­rynyń beınesi. Áleýmettiń bel­gili bir ortasy men dáre­jesindegi jaýapkershiligin kóterip júr dep sengen er-azamattardyń is-áre­ketiniń kórinisi. Bul taqy­ryp ýaqytynda zerttelýi – tıisti qajettilik. 

Bul fılm – búgingi qo­ǵam­ óresiniń aınasy. Rejıs­ser­diń osy taqyryp tóńire­gin­degi izdenisi. О́zindik tili. Dúnıe­ta­ny­mynyń ashy úni.

Fılmdegi basty keıipker Qanatqa kýrstasy Danııar naǵyz óz ortasynyń aqıqatyna janasatyn sabaq beredi. Darvınniń ilimimen aıtqanda, óz ortańnyń tirshilik tártibine qaraı is-áre­ketińdi de beıimdeý. Árkim óz isine jaýapty. Árkim óz kú­ná­sin ózi kóteredi. Álsizder óz tań­­­daýymen, ózine tym senim­di­ler óz jolymen júredi. Bul – fılm­­niń basty pálsapasy. 

Sheshim jasaıtyn oı mynada. Barlyǵy bılikke jetsem deıdi. Yqpaldylyq. Dáreje. Mansap. Aqsha. Erkindik. Barlyǵynyń kózdegeni osynda. Sol deńgeıdi alsam, barlyǵy ózgeredi dep kútedi. Qııalyndaǵy aqıqatyna senedi. Biraq bıliktiń barlyq kúshi sonda ma?!

kınotanýshy,

ónertaný PhD doktory