Grant quny – 98 mıllıon teńge

Joǵary oqý ornynyń materı­al­dyq-tehnıkalyq baza­sy álem­­dik bilim be­rý standart­­ta­­r­yna saı. Ony res­pýb­­lıka­da­ǵy ózge JOO-lar­dan erek­she­lep turǵan bas­ty jaıt – óz tehnoparkiniń jasaq­tal­­ǵa­ny. Oǵan «Zerek» degen ataý qoıyl­ǵan. 

Taıaýda Báıishevtikter ekiniń biriniń qoly jete bermeıtin taǵy bir jetistikke qol jet­kiz­di. Bilim jáne ǵylym mınıstrligi Ǵylym komıteti belgilegen «О́nim­di ınnovasııany qoldaný» joba­synyń jeńimpazy atandy. Osy arqyly uıymshyl ujym quny 98 mıllıon teńge tura­tyn grantqa ıe boldy. Bul bıyl Báıishevtikter utyp alǵan ekinshi iri kólemdegi grant bol­yp otyr. О́ıtkeni buǵan deıin joǵaryda atalǵan «Zerek» tehno­parki 47 mıllıon teńgelik memle­kettik grantty utyp alǵan bola­tyn. Qomaqty qarajattyń maqsatty jumsalýyn baqylaý tehnıka ǵylymdarynyń doktory Baızaq Isaqulov basqaratyn «Zerek» tehnoparkiniń quzy­ry­na júktelgen. Grant arqyly bólin­gen salmaqty somany ýnı­ver­sıtet ǵalymdary qujat­tar­dy aǵylshyn tilinde resim­deý­diń san qyryn úırenip kún­de­likti daǵdyǵa aınaldyrýǵa jáne halyqaralyq ǵylymı joba­larǵa jol ashýdyń amaldaryn izdestirýge jumsaıtyn bolady. Bizdiń óńirlik joǵary oqý ornynyń teń jeńimpaz atanǵan Qazaq-Brıtan tehnıkalyq ýnı­ver­­sıteti sekildi múıizi qara­ǵaı­­daı joǵary oqý ornymen bir qatar­da turýy biz úshin úlken jetis­tik, bıik mereı, – deıdi S.Báıishev atyndaǵy Aqtóbe ýnı­versıteti «Rýhanı jań­ǵy­rý» ortalyǵynyń dırektory Muhtar Mırov. 

AQTО́BE