О́ıtkeni álemde bolyp jatqan ózgeristerdiń, túrli synaqtardyń jıilep ketken jaǵdaıynda Prezıdenttiń ókilettigi tolyq bolýy kerek. Sonda ǵana ol asa kúrdeli sheshimderdi batyldyqpen qabyldaı alatyn bolady. Saılaýǵa túsip, halyqtyń senimin alǵan tulǵalar ǵana eldiń atynan batyl sheshimge bara alady.
Árıne bizde joǵarǵy bılik zańdy jolmen aýysty. Bılikti beıbit jolmen berýde Elbasy Nursultan Nazarbaev birden-bir durys sheshim qabyldady dep sanaımyn. Zań boıynsha Qasym-Jomart Toqaev 2020 jylǵa deıin saılaýǵa túspeı bılikte otyra berýge quqy bar. Biraq ol jaqyn ýaqytta saılaý ótkizip, Prezıdentti túpkilikti saılaý qajettigin aıtty. Bul óte durys sheshim. О́ıtkeni saılanbaǵan Prezıdentke degen senim báribir tómendeý bolady. Ol eldiń ishinde ǵana emes, syrtqy qatynastarda da bilinedi. Áriptes memleketterdiń basshylary, iri ınvestorlar prezıdenttiń kepildikterine senimsizdikpen qaraýy múmkin. Sondyqtan eldiń atynan mańyzdy sheshimder qabyldaý úshin onyń halyq atynan saılanǵany jón. Sonymen birge saılaýǵa barlyq saıası partııalardan úmitkerler tirkeletini belgili. Saılaýshylar olardyń arasynan eń senimdi degenin tańdap, daýys beretin bolady. Osynyń ózi demokratııalyq qaǵıdattyń bizde tolyq oryndalyp otyrǵanyn kórsetedi.
Taras HITÝOV,
Májilis depýtaty
