Birinshiden, Qazaqstan dúnıe júzindegi eń ozyq damyǵan otyz memlekettiń birine aınalýǵa den qoıǵany málim. Ol úshin elimiz álemdegi qarqyndy ózgergen jaǵdaılarǵa jyldam ári utymdy beıimdele bilgeni jón. Demek, bul qadam saılaý sekildi memlekettik mańyzdy isti keler jylǵa deıin sozbalańǵa salmaı, álemdegi ahýaldyń odan ári kúrdelenýin kútpeı, aldyn ala qımyldaýǵa baǵyttalýda. Áıtpese, tegeýrini tóten, tepkisi qatty zamanda elektoraldy kezeńniń kópke uzaýy memlekettiń damýyn tejeýi, kóshin keri ketirýi yqtımal.
Ekinshiden, bul bılik tranzıtin aıaqtaý, memleket taǵdyryn, el tizginin Qazaqstan halqy saılaǵan Prezıdentke tabystaý úshin kerek.
Úshinshiden, bul el ekonomıkasyna mol qarjy salǵan sheteldik ınvestorlardy alańdaýshylyqtan aryltý úshin de qajet: olar eldiń tizgini turaqty Prezıdentte bolýyn qalaıdy.
Qazirgi kezde almaǵaıyp álem alasapyranǵa túsýde. Kóptegen elder saıası, áleýmettik, ekonomıkalyq qıynshylyqtar men qaıshylyqtar qyspaǵynda qalýda. Al Qazaqstan jahandanýdyń bul teris qubylystaryna qarsy qarymdy qaırat kórsetip, tegeýrindi tospa quryp, olardyń memleketke jáne óz azamattaryna nuqsan keltirýine jol bermeýde. Onyń ornyna Elbasynyń «Áleýmettik qamqorlyq» jańa áleýmettik bastamalary arqasynda memleketimiz halyqqa qýatty qoldaý kórsetýde. Bul tek aýqatty, áleýetti elderdiń qolynan ǵana keledi.
Baqytbek SMAǴUL,
«Qazaqstan ardagerleri» qaýymdastyǵynyń tóraǵasy, Májilis depýtaty
