Nátıjesinde, Ýspen aýdanyndaǵy ishki ister bólimi, memlekettik kirister bólimi, aýdandyq sot, Sharbaqty aýdany ishki ister bólimi mekemeleriniń aýmaǵynda, Pavlodar aýdany Efremovka, Rozovka aýyldarynda tazalyq saqtalmaǵany anyqtalǵan.
Sonymen qatar, qoqysty shyǵarý men kóriktendirý jumystaryna nazar aýdarmaǵan «Qazaqstan Temir Joly» AQ oblystyq fılıaly, «Pavlodar nan-toqash kombınaty», «Pavlodar-Tuz», «Aısý-Melıorasııa» JShS-y da bar.
Oblystyq ákimdik otyrysynda aınalasyndaǵy tazalyqqa mán bermeıtin mekemeler men kásiporyndarǵa aıyppul salý tapsyryldy.
Al oblys ortalyǵynda ótken jyly jeke jáne zańdy tulǵalarǵa 8,2 mıllıon teńge, bıyl 1,2 mıllıon teńge aıyppul salynǵan.
Oblystyq energetıka jáne turǵyn úı-kommýnaldyq sharýashylyq basqarmasynyń málimetinshe, bıyl ártúrli deńgeıdegi bıýdjetten kóriktendirý, abattandyrý jáne sanıtarlyq talapty saqtaý úshin 10,3 mlrd teńge bólinipti.
Bul qarjyǵa 33 myń kóshet satyp alý da josparlanǵan.
Biraq, Ekibastuz qalasynyń ákimi Nurjan Áshimbetov «Ertis ormanynan» 30 myń kóshetti satyp alǵandaryn málimdedi.
Basqarmanyń málimetinshe, oblys ortalyǵy 15,7 myń, Aqsý qalasy 10 myń kóshet otyrǵyzbaq.
Al ákimdik otyrystarynda qurǵaq málimetter bere salýǵa úırenip qalǵan basqarma basshylary qaptaǵan sandardan jańyla bastady.
Sóıtip, oblys boıynsha 33 myń kóshet otyrǵyzylady degen derek sáıkes kelmeı qaldy.
PAVLODAR
