Otannyń tynyshtyǵy saqtalyp, berekeli elge aınaldy. Osyndaı beıbit te, mamyrajaı halqymyz úshin Tuńǵysh Prezıdent – Elbasy Nursultan Ábishuly Nazarbaevtyń prezıdenttik ókilettigin toqtatý týraly qabyldaǵan tarıhı sheshimi kóńildi alańdatyp, oıǵa salǵandaı boldy. Soǵan qaramastan bıliktiń beıbit jolmen aýysyp, kópke úlgi bola alǵany qanshama jas býynnyń rýhyn oıatty. Prezıdent Qasym-Jomart Toqaevty tańdaý – eldegi saıasattyń sátti sabaqtastyǵy ispetti bolyp otyr. Elbasynyń senimdi seriginiń ózine artylǵan aýyr júkti qınalmaı kóteretinine eshqandaı kýmán joq.
Sondaı-aq kóp uzamaı Memleket basshysy Qasym-Jomart Toqaevtyń elimizde kezekten tys prezıdenttik saılaý ótkizý týraly qabyldaǵan sheshimin óte oryndy dep sanaımyn. О́ıtkeni ótpeli kezeńde bir sheshimge toqtalyp, ishki jáne syrtqy saıasat úshin tolyq senim arqalaı alatyndaı ókilettilikke ıe Prezıdent anyqtalǵany jón. Prezıdentke qoǵam tarapynan bildirilgen senim deńgeıin arttyryp, halyqtyń ózin qaýipsiz, erkin sezinýin qalyptastyrýymyz kerek. Elimizdiń qaýipsizdigi men beıbit eldiń amandyǵy qashanda kún tártibindegi ózekti másele bolyp qala beredi. Strategııalyq mańyzy bar jobalar men kún tártibinde ornalasqan áleýmettik-ekonomıkalyq máselelerdi júzege asyrý da bılik aýysymyna tikeleı baılanysty.
Abaı TASBOLATOV,
Parlament Májilisiniń depýtaty, general-leıtenant
