Kún tártibinde eki másele qaraldy. Birinshisi – 2019 jylǵa arnalǵan tehnıkalyq jáne kásibı bilimi bar kadrlardy daıarlaıtyn bilim berý mekemeleriniń tizimin bekitý; ekinshisi – qysqa merzimdi bilim alý úshin ótinish bergen adamdardyń tizimin bekitý.
Jumyspen qamtý jáne áleýmettik qorǵaý basqarmasynyń baspasóz qyzmetinde belgili bolǵandaı, bilim berý mekemeleriniń tizimi 2017-2021 jyldarǵa arnalǵan «Eńbek» ónimdi jumyspen qamtýdy jáne jappaı kásipkerlikti damytý jónindegi memlekettik baǵdarlamasy aıasynda eńbek naryǵynyń qajettilikterin esepke alyna otyryp qurylǵan.
Komıssııa sheshimi boıynsha 200 oryn «Esepteý tehnıkasy jáne baǵdarlamalyq qamtamasyz etý» mamandyǵyna, 150 oryn – «Tamaqtanýdy uıymdastyrý» mamandyǵyna, 100 oryn – «Dánekerleý», 100 oryn – «Lıft sharýashylyǵy jáne ekskalatorlar, lıft boıynsha elektromehanık», 75 oryn – «Qýat kózimen qamtamasyz etý», 50 oryn – «Tigin óndirisi men kıimdi pishý», 50 oryn – «Nan, makaron jáne kondıter óndirisi», 50 oryn – «Marketıng», 50 oryn – «Avtokólikterge tehnıkalyq qyzmet kórsetý jáne jóndeý», 50 oryn – «Ishki sanıtarlyq-tehnıkalyq qurylǵylardyń, jeldetý men ınjenerlik júıelerdiń montajy men eksplýatasııasy» mamandyǵyna, sondaı-aq, 25 orynnan «Ǵımarattar men qurylymdardyń qurylysy men eksplýatasııasy», «Gazben jabdyqtaý», «Et jáne et ónimderin óndirý», «Jol qozǵalysyn uıymdastyrý», «Shashtaraz jáne sándik kosmetıka», «Logıstıka», «Burǵylaý jáne metall óńdeý» mamandyqtaryna bólindi.
