Attestattaý
Juma, 2 qarasha 2012 7:09
SÚRINGENDER DE BAR
Elbasynyń «Qazaqstan Respýblıkasy quqyq qorǵaý organdary qyzmetkerlerin kezekten tys attestattaýdan ótkizý týraly» Jarlyǵyna sáıkes, Almaty oblystyq prokýratýra qyzmetkerleri synaq tapsyrdy. Bul jaıynda Taldyqorǵanda jýrnalıstermen ótken baspasóz brıfınginde oblys prokýrory Ǵabıt Mırazov «Prokýratýra organdary qyzmetkerlerin kezekten tys attestattaýdan ótkizý kezinde negizgi baǵalaý ólshemderi qyzmetkerlerdiń qabiletterin, olarǵa júktelgen mindetterdi oryndaý jáne jumys nátıjeleri, sonymen birge teorııalyq bilimderiniń, tájirıbelik biliktilikteriniń deńgeıin anyqtaý bolyp tabyldy. Erejege sáıkes zańnamany bilýine kompıýterlik synaq, psıhologııalyq turaqtylyq synaqtamasy, áńgimelesý boıynsha úsh kezeńnen turdy.
Juma, 2 qarasha 2012 7:09
SÚRINGENDER DE BAR
Elbasynyń «Qazaqstan Respýblıkasy quqyq qorǵaý organdary qyzmetkerlerin kezekten tys attestattaýdan ótkizý týraly» Jarlyǵyna sáıkes, Almaty oblystyq prokýratýra qyzmetkerleri synaq tapsyrdy. Bul jaıynda Taldyqorǵanda jýrnalıstermen ótken baspasóz brıfınginde oblys prokýrory Ǵabıt Mırazov «Prokýratýra organdary qyzmetkerlerin kezekten tys attestattaýdan ótkizý kezinde negizgi baǵalaý ólshemderi qyzmetkerlerdiń qabiletterin, olarǵa júktelgen mindetterdi oryndaý jáne jumys nátıjeleri, sonymen birge teorııalyq bilimderiniń, tájirıbelik biliktilikteriniń deńgeıin anyqtaý bolyp tabyldy. Erejege sáıkes zańnamany bilýine kompıýterlik synaq, psıhologııalyq turaqtylyq synaqtamasy, áńgimelesý boıynsha úsh kezeńnen turdy. Oblys prokýratýrasynyń basshylyǵy meni qosqanda tórt qyzmetker attestattaýdy Prezıdent janyndaǵy Joǵary attestattaý komıssııasynan ótip, laýazymdarymyzǵa sáıkestigi týraly sheshim qabyldandy. Ortalyq attestattaý komıssııasynda oblys prokýratýrasynyń basshylyq quramyndaǵy 28 qyzmetker ótti. Onyń úshinshi kezeńinde 230 qyzmetkermen áńgime júrgizilip, 209 qyzmetker ótse, 21 qyzmetker súrindi» dedi.
Nurbol ÁLDIBAEV,
«Egemen Qazaqstan».
Almaty oblysy.
__________________
AIаQTALYP KELEDI
Bas prokýratýranyń Ortalyq attestattaý komıssııasy arqyly ótýge tıisti qyzmetkerlerdi saraptaý aıaqtalyp keledi. Ortalyq attestattaý komıssııasynan prokýratýra organdarynyń barlyǵy 755 qyzmetkeri ótýi kerek bolǵan, olardyń 38-i nemese 5 paıyzy jumystan ketýlerine, sonyń ishinde 21 adam qyzmet merziminiń aıaqtalýyna, 2 qyzmetker basqa qyzmetke aýysýyna baılanysty attestattaýdan ótken joq. 3 qyzmetker júktiligine baılanysty bosatyldy. Sonda barlyǵy 712 qyzmetker áńgimelesýge jiberildi, olardyń ishinde attestattaýdan ótip, atqaryp otyrǵan qyzmetine laıyqty dep tanylǵany – 637 nemese 89,5 paıyz, al 75 qyzmetker nemese 10,5 paıyzy atqaryp otyrǵan qyzmetine laıyq emes dep tanylyp: 57 qyzmetkerge, sonyń ishinde testileý kezinde tómen baǵa alǵan 3 qyzmetkerge qyzmetin tómendetýge; 15 qyzmetkerge basqa jumysqa aýysýyna; 3 qyzmetkerdi prokýratýra organynan bosatýǵa usynys jasaldy. Oblystarda jáne Astana, Almaty qalalarynda óńirlik attestattaý komıssııasy prokýratýra organdarynyń qyzmetkerlerin kezekten tys attestattaýdyń úshinshi kezeńin ótkizý boıynsha jumystarǵa kirisip ketti, dep habarlady Bas prokýratýranyń baspasóz qyzmeti.
