Býynsyz jerge pyshaq urý ma, álde…
Sársenbi, 18 sáýir 2012 7:37
Aqtóbedegi oblystyq týberkýlezge qarsy kúres dıspanseriniń besinshi qabatynan qulaǵan 73 jastaǵy áıeldiń mert bolǵany jaıly buqaralyq aqparat quraldary jarysa jazyp jatyr. Iá, osyndaı bir oqys oqıǵanyń oryn alǵany shyndyq. Qaıǵyly oqıǵa quzyrly organdardy da aıaǵynan tik turǵyzdy. Ile oqıǵaǵa baılanysty buqaralyq aqparat quraldarynyń ókilderimen baspasóz máslıhaty ótkizilip, bolǵan jaǵdaıǵa oblystyq densaýlyq saqtaý basqarmasy bastyǵynyń orynbasary Samat Danııarov, atalǵan dıspanserdiń bas dárigeri Nurlan Aǵzamov túsinik berdi.
Sársenbi, 18 sáýir 2012 7:37
Aqtóbedegi oblystyq týberkýlezge qarsy kúres dıspanseriniń besinshi qabatynan qulaǵan 73 jastaǵy áıeldiń mert bolǵany jaıly buqaralyq aqparat quraldary jarysa jazyp jatyr. Iá, osyndaı bir oqys oqıǵanyń oryn alǵany shyndyq. Qaıǵyly oqıǵa quzyrly organdardy da aıaǵynan tik turǵyzdy. Ile oqıǵaǵa baılanysty buqaralyq aqparat quraldarynyń ókilderimen baspasóz máslıhaty ótkizilip, bolǵan jaǵdaıǵa oblystyq densaýlyq saqtaý basqarmasy bastyǵynyń orynbasary Samat Danııarov, atalǵan dıspanserdiń bas dárigeri Nurlan Aǵzamov túsinik berdi.
Oblystyq densaýlyq saqtaý basqarmasy bastyǵynyń orynbasary Samat Danııarov oqıǵa oryn alǵan jerge shuǵyl túrde qalalyq ishki ister departamentiniń tergeý bóliminiń qyzmetkerleri jetkenin, osy is boıynsha sot-medısınalyq saraptama taǵaıyndalǵanyn, ony quzyrly organdar odan ári tekserip jatqanyn jetkizdi. Ázirshe belgili jaı Qyzylorda oblysynan kelip emdelip jatqan K.esimdi áıelge týberkýlezge qarsy em taǵaıyndalǵan. Emin, dárilerin ýaqytyly alyp otyrǵan, emdeý prosesine, tamaqtyń sapasyna naýqastyń tarapynan eshqandaı shaǵym bolmaǵan. Biraq, birge emdelip jatqan syrqattardyń aıtýlaryna qaraǵanda, marqum óziniń týberkýlez aýrýyna shaldyqqanyna ýaıymdap júrgen.
Dál sol kúni stasıonarlyq em alyp jatqan bir top naýqas ákimshilik ǵımaratynyń aldyna shyǵyp, ózderiniń talaptaryn bildirgen edi. Baspasóz máslıhatynda osy jaı da nazardan tys qalǵan joq.
– Naýqastardyń aýrýhana ákimshiliginiń aldyna qoıǵan talap-tilekterine qatysty aıtatyn bolsaq, bul jerde joǵary dárejeli dıetolog jumys isteıdi, naýqastardyń tamaqtanýyn azyq-túlikterdiń qýattylyǵyn turaqty qadaǵalap otyrady. Naýqastar kúnine bes mezgil tamaq ishedi, – dedi Samat Danııarov.
Oblystyq týberkýlezge qarsy kúres dıspanseriniń bas dárigeri Nurlan Aǵzamov talap qoıýshy toptyń óz basshylary bar, janjal shyǵarýshylar sol «kósemderine» bólek jeke bólme suraıdy. Budan basqa olar osy aýrýhanada ózderi baqylaý ornatyp, túrmedegideı tártipti júrgizip, bólimderdiń arasynda kúni-túni emin-erkin júrgisi, oılaryna kelgenderin istegileri keledi degendi aıtyp qaldy.
Oblystyq týberkýlezge qarsy kúres dıspanserinde kúzet jumystaryn lısenzııasy bar jeke kúzet fırmasy júzege asyrady eken. О́kinishke oraı olar da emdeý ornynda ishki tártiptiń saqtalýyn qamtamasyz etýde dármensizdik tanytýda. О́ıtkeni uıymdasqan topqa kúzet qyzmetiniń kúshi jete bermeıdi. Al dıspanserdiń bas dárigeri Nurlan Aǵzamov atalǵan naýqastardy kúzetýdi ishki ister organdary óz qolyna alýy qajettigi týraly máseleni jıyrma jyldan beri kóterip kele jatqanyn, alaıda eshqandaı nátıje joq ekendigin jetkizdi. Bul elimizdegi barlyq týberkýlezge qarsy kúres dıspanserleri basshylarynyń bas aýrýy kórinedi. Dıspanserdegi kúzet jumystaryn kúzetýdi ishki ister organdary atqarýy kerek deıdi dárigerler biraýyzdan.
Qazir oblystyq týberkýlezge qarsy kúres dıspanseri ishki ister basqarmasy jasaqtarynyń baqylaýyna alynǵan. Árıne, adam ólimine qatysty sońǵy sózdi quqyq qorǵaý organdary aıtatyny belgili. Al, janjal shyǵarýshy toptyń talaptarynyń orynsyz ekeni joǵarydaǵy áńgimelerden de ańǵarylatyn sııaqty. Alaıda, tujyrym jasaýǵa asyqpaıyq, bul býynsyz jerge pyshaq urý ma, álde ashy shyndyq pa, ony arnaýly komıssııa anyqtaıtyn bolady. Desek te, oryn alǵan oqys oqıǵa týberkýlezge qarsy kúres dıspanserinde qordalanyp qalǵan túıindi máseleler de bar ekenin kórsetedi.
Satybaldy SÁÝIRBAI,
Aqtóbe oblysy.
