Aıgúldiń soqpaǵy
Beısenbi, 19 sáýir 2012 7:38
Aıgúl Asylbekova-Nókerbaevanyń gazet-jýrnaldarǵa shyqqan áńgimelerin oqyǵanda bir sáýle kórinedi-aý dep oılap qoıatynmyn. Sonym shyndyqqa aınala bastaǵanǵa uqsaıdy. Jýyrda onyń «Baqytty bolatyn ómir» atty tuńǵysh áńgimeler jınaǵy jaryq kórdi. Keıipkerleri kádimgi ózimiz kúndelikti kórip-bilip, syrlasyp, muńdasyp júrgen qarapaıym jandar. Tipti bir sát solardyń arasynan ózińdi nemese bir tanysyńdy kórip qalǵandaı áserde bolasyń. «Ras-aý!» dep, basyńdy shulǵyp qostaı ketesiń. Jınaqtaǵy «Qyryq shyraq» degen áńgimesin oqyp kórińizshi. Toǵyz aı omyrtqasyn úze júrip kótergen, tún uıqysyn tórt bólip, besiginde terbetken anany Mekkege úsh arqalap barsam da balalyq paryzymdy óteı alamyn ba dep kim oılanbaıdy deısiz. Osy perzenttik paryzdyń qyr-syry áńgimege arqaý bolǵan.
Beısenbi, 19 sáýir 2012 7:38
Aıgúl Asylbekova-Nókerbaevanyń gazet-jýrnaldarǵa shyqqan áńgimelerin oqyǵanda bir sáýle kórinedi-aý dep oılap qoıatynmyn. Sonym shyndyqqa aınala bastaǵanǵa uqsaıdy. Jýyrda onyń «Baqytty bolatyn ómir» atty tuńǵysh áńgimeler jınaǵy jaryq kórdi. Keıipkerleri kádimgi ózimiz kúndelikti kórip-bilip, syrlasyp, muńdasyp júrgen qarapaıym jandar. Tipti bir sát solardyń arasynan ózińdi nemese bir tanysyńdy kórip qalǵandaı áserde bolasyń. «Ras-aý!» dep, basyńdy shulǵyp qostaı ketesiń. Jınaqtaǵy «Qyryq shyraq» degen áńgimesin oqyp kórińizshi. Toǵyz aı omyrtqasyn úze júrip kótergen, tún uıqysyn tórt bólip, besiginde terbetken anany Mekkege úsh arqalap barsam da balalyq paryzymdy óteı alamyn ba dep kim oılanbaıdy deısiz. Osy perzenttik paryzdyń qyr-syry áńgimege arqaý bolǵan.
Esh boıamasyz somdalǵan urpaq kelbeti, esh romantıkasyz sýrettelgen zamana kórinisi, zamandas portreti ádemi. Avtor adam bolmysyn, qoǵam psıhologııasyn, turmysy men mádenıetin baz qalpynda, nanymdy ári tartymdy baıandap bergen. Júrekpen jazylǵan dúnıe júregińniń túkpirine jetip, qonaqtaı beredi eken. Áıel balasy perzent kóterýge jaraldy desek te, qoǵam ómiriniń basyna týǵan aýmaly-tókpeli zamanda olardyń júk kóterýine týra kelgeni shyndyq. Nebir «menmin» degen er azamattardyń ózi tosynnan kelgen naryq «tómpeshine» tóze almaı, ne isterin bilmeı abdyrap qalǵany aqıqat. Qıyn-qystaý shaqta úsh birdeı uldy birinen keıin birin dúnıege ákelgen Aıgúl olardy tárbıelep, bárine joǵary bilim berip, azamat etip shyǵardy. Endi mine, samaıyn qyraý shalǵan tusta shyǵarmashylyq saparǵa bet burypty. Bul eki áıeldiń biriniń qolynan kele bermeıtin erlik. Jazýshy osy saparǵa shyqpas buryn qaıda baratynyn anyqtap alǵanǵa uqsaıdy. О́zine senimdi. Batyl. Tildi bezemeıdi, dámdi oıdy kózeıdi. Aıtqandary myq shegedeı naqty. Qııaly ushqyr. Qysqa jazyp, kóp aıtady. Oqýǵa jeńil. Qalam ıesiniń ózine ǵana tán shyǵarmashylyq úlgisi bar.
Mynaý jalǵan tirlikte adamnyń kóp nárseni joǵaltýyna týra keledi. Biraq ózin jáne Qudaı bergen qabiletin joǵaltýǵa haqy joq. Kesheýildetip bolsa da, qońyraýlatyp jetken qanatqaqty týyndyń kóńilden shyqty. Gerold Belgerdiń «Aıgúldiń soqpaǵy» dep alǵysóz jazýy da sodan shyǵar. «Kitap ıesi – avtor, al onyń taǵdyryna ıe – qaýym» degen eken jazýshy Vıktor Gıýgo. Qaýymǵa usynǵan kitap, halyq ıgiligine assa quba-qup.
Gúlmárııa BARMANBEKOVA,jýrnalıst.
