О́ıtkeni birine saýatty kadrlar jetispese, ekinshilerine qarjy tapshy, úshinshileri jasaǵan buıymdaryn sata almaıdy. Jaqynda «Atameken» ulttyq kásipkerler palatasy men Áıelder kásipkerligi qoldaý qorynyń bastamasyna jergilikti dızaınerler ún qosty. «ALTYN OIMAQ» baıqaýyna qatysý jergilikti dızaınerlerge kásibı mamandar ortasymen tanysýǵa jodama beredi, eger jeńimpaz bola qalǵan jaǵdaıda qolyna tıetin 1 mıllıon teńge taǵy bar. Ol kásibin, shyǵarmashylyǵyn damytýǵa túrtki bolady.
«Bul baıqaý biz úshin úlken oqıǵa dese bolady. Tigin dızaınerleri men tiginshilerdiń problemalary jeterlik. Tigin quraldary men matalar, bilikti tiginshiler jetpeıdi, jarnama berý de qıyn. «ALTYN OIMAQ» baıqaýy osy máselelerdiń sheshimin tabýyna, biz «made in Kazakhstan» brendimen kıim kııýimizge jasalǵan alǵashqy qadam dep bilemin» deıdi 27 jyldan beri osy salanyń ystyq-sýyǵyna kúıip júrgen Málıka Tólemisova.
Oblystyq kásipkerler palatasynyń dırektory Murat Ábenov salalyq qaýymdastyqtardyń qurylýy kóptegen problemalardyń sheshimin tabýyna kómek bolatynyn aıtady. Oblysta búginde qurylysshylar, týrıstik, restorandyq jáne qonaq úı bıznesi ókilderiniń qaýymdastyǵy tabysty jumys istep jatyr. Ol tigin salasy kásipkerleri qaýymastyqqa birigip jatsa tek kómek beretinin málimdedi.
Oblystaǵy dızaınerler keńese kele «ALTYN OIMAQ» baıqaýyna oblystan 8 dızaınerdiń qatysýy kerek dep sheshti.
