Boljam jasaý qıyn
Sársenbi, 13 maýsym 2012 7:15
Ýkraına jáne Polsha jerinde ótip jatqan Eýropa birinshiligi barsha elimizdegi fýtbol jankúıerleri úshin úlken toı bolyp otyrǵany túsinikti. Kópten kútken qurlyqtyq doda kezinde árkim óziniń súıikti komandasyna jankúıer bolyp, naǵyz fýtbol spektaklderin tamashalaıtyn sát týdy.
Sársenbi, 13 maýsym 2012 7:15
Ýkraına jáne Polsha jerinde ótip jatqan Eýropa birinshiligi barsha elimizdegi fýtbol jankúıerleri úshin úlken toı bolyp otyrǵany túsinikti. Kópten kútken qurlyqtyq doda kezinde árkim óziniń súıikti komandasyna jankúıer bolyp, naǵyz fýtbol spektaklderin tamashalaıtyn sát týdy.
Osy kúnderi Qazaqstandaǵy kez kelgen aqparat quraly Eýro-2012 týraly kúndelikti aqparattar taratyp, kúndiz-túni efırde soǵylǵan goldardy kórsetip, túgel gazettiń bir betin arnap maqalalar jazyp, tań atysymen radıolarda keshe túnde bolyp ótken oıyndardyń nátıjelerin habarlaýda. Bir sózben aıtqanda, osy kúnderi bizder fýtbolmen tynystaýdamyz desek, artyq aıtqandyq emes.
Áleýmettik jelilerde, jalpy ǵalamtor betinde de, bizdiń baıqaýymyzsha, barlyq jańalyqtar da, óz paraqshalarynda aqparattar jazyp jatqan ınternet belsendileri de osy dúbirli dop dodasy jaıynda ózderiniń kórgen-bilgenderin jazyp qalýda. Ázirge toptyq kezeńniń alǵashqy oıyndary ǵana ótip jatqandyqtan, jarystyń negizgi bóligi alda dep oılaımyn. Qysqasy, toıdyń kókesi áli alda.
Alǵashqy týrlardyń oıyndaryna qarap aıtar bolsaq, kútpegen nátıjeler kezdesip, ádemi soǵylǵan goldardy kórýdemiz. Jarys joly qysqara bergen saıyn oıyndardaǵy tartys ta odan ári kúsheıe túspek.
Al endi osy týrnırde kim jasyndaı jarqyldap kóp gol salady degenge toqtalatyn bolsaq, árıne, endigi eki goldan soǵyp qoıǵan Alan Dzagoev, Marıo Mandjýkıch, Andreı Shevchenko sekildi oıynshylardy erekshe atap ótkenimiz jón. Biraq, eń kóp gol soǵyp, osy dodanyń bas mergeni atanatyn oıynshylar retinde óz basym gollandııalyq Robbın van Persı men aǵylshyndyq Ýeın Rýnıdi atap ótpekpin. Al kim chempıon atanýy yqtımal degen saýalǵa Gollandııa men Anglııa qurama komandalarynyń biri dep aıtar edim.
Ermuhamed MÁÝLEN,
“Qazaqstan” ulttyq telearnasynyń sport kommentatory.
