Búgin bastaý alǵan festıval qatysýshylarynyń konsertinde túrkitildes halyqtarynyń etnofolklorlyq ansamblderi men dástúrli oryndaýshylary, ulttyq aspapta jeke oryndaýshylar óner kórsetti. Sonymen qatar, qazaq halqynyń dástúrli mýzyka óneri de kórermen nazaryna usynyldy.
Kıeli shahardy án-kúıge bólegen aıtýly shara «Túrkistan – Túrki áleminiń besigi» atty Túrki keńesi túrki ýnıversıtetter Odaǵynyń IV Bas assambleıasy men Túrki Keńesi jas kóshbasshylarynyń II Forýmy aıasynda oblystyq mádenıet jáne tilderdi damytý basqarmasy men Q.A.Iаsaýı atyndaǵy Halyqaralyq qazaq-túrik ýnıversıtetimen birigip uıymdastyryldy.
Etno-óner festıvaliniń basty maqsaty - túrkitildes elder arasyndaǵy baýyrlastyq baılanys pen dostyqty, túrkilik mádenıet pen ónerdi urpaqtan urpaqqa dáripteý, qazaq jáne túrkitildes halyqtardyń dástúrli mýzykasyn jan-jaqty jetkizý, daýystyq jáne aspaptyq shyǵarmashylyqtyń órkendeýine, sırek ushyrasatyn aspaptarda oryndalatyn janrlardyń jańǵyrýyna jáne damýyna, qoldaý kórsetý, olardyń ózara tájirıbe almasýyna jaǵdaı jasaý jáne dástúrli ónerdi nasıhattaý bolyp tabylady.
Aıta keteıik, ónerpazdardyń basyn qosqan merekelik konsert erteń gala-konsertpen aıaqtalady.
