"Jahandyq álem bizdiń kóz aldymyzda qýatty transformasııany bastan keshýde. Biz bárin túsinemiz jáne jańa tarıhı dáýirde ómir súremiz. Aınalamyzdaǵy basqa álem, basqa tehnologııa júrip jatyr. Biraq mundaı aýyspaly shaqta bir turaqty irgeli qundylyq bar - bul qoǵamnyń birligi men ultaralyq kelisim. Biz dem alatyn aýaǵa aınalǵan qundylyq. Múmkin, osy mańyzdy faktor bolashaqta bizdiń básekege qabilettiligimizdi anyqtaıdy", dedi Elbasy.
Aıta ketý kerek, Elbasy QHA-nyń jańa orynbasarlaryn tanystyrdy. Assambleıa keńesiniń usynysymen QHA Tóraǵasynyń orynbasary qyzmetine «Vaınah» sheshen-ıngýsh qoǵamynyń mádenıetin damytý Qaýymdastyǵy» zańdy tulǵalar birlestiginiń basqarma múshesi Iýsýp Kelıgov pen «Dýstlık» ózbekterdiń respýblıkalyq qaýymdastyǵynyń sarapshysy Sherzod Pýlatov О́kimmen taǵaıyndaldy.
