«Kezinde Qazaqstan halqy Assambleıasynyń qurylýy - mańyzdy sheshimderdiń biri bolǵanyn atap ótý kerek. Halyqtyń tilegimen qurylǵan uıym eldiń abyroıly konstıtýsııalyq uıymyna aınaldy. Birinshi kúnnen bastap, Assambleıa memleket pen halyq aldyndaǵy jaýapkershilikti sezinip keledi. Bizdiń eldiń saıası júıesine Assambleıa barlyq etnostar men konfessııalardy ıntegrasııalady. Assambleıany bizdiń eldiń saıası júıesine ıntegrasııalaı otyryp, biz ózimizdiń ulttyq birliktiń baǵytyn qurdyq» dedi Tuńǵysh Prezıdent – Elbasy N.Nazarbaev.
Nursultan Nazarbaev óz sózinde memleket etnıkalyq tilder men mádenıetterge de qamqor bolyp kele jatqanyn tilge tıek etti. «Elimizdegi 88 mektep ózbek, tájik, uıǵyr, ýkraın tilinde bilim beredi. Al 108 mektepte Qazaqstan etnostarynyń 22 tili jeke sabaq retinde oqytylady. Elimizde 15 tildegi 35 baspasóz bar. 11 tilde telearnalarda baǵdarlamalar shyǵyp jatyr. 14 orys teatry bar. О́zbek, uıǵyr jáne koreı teatrlary bar. Mundaı tek bizdiń elde ǵana bar», dedi Elbasy.
