Birinshi kezeń jerlesterimiz úshin sátti bastaldy. Oıynnyń tórtinshi mınýtynda san basymdyǵyn sátti júzege asyrǵan Nıkıta Mıhaılıs esep ashyp, komandasyn alǵa shyǵarsa, araǵa eki mınýt salyp Anton Nekrıach esepti eseledi. Al 16-mınýtta Mıhaılıs dýbldiń avtory atandy – 3:0.
Alaıda ekinshi kezeńniń sońǵy mınýtynda slovenııalyqtar qarymta eki shaıba soǵyp úlgerdi. Oıynnyń 38-mınýtynda Anje Kýralt alǵashqy shaıbany Henrık Karlsson qorǵaǵan qaqpaǵa dál baǵyttasa, araǵa 81 sekýnd salyp Davıd Rodman esepti qysqartty – 3:2.
Úshinshi kezeńde esep ózgerissiz qaldy. Sóıtip jerlesterimiz álem chempıonatyndaǵy alǵashqy jeńisine qol jetkizdi.
Andreı Skabelka baptaıtyn Qazaqstan qurama komandasy kelesi kezdesýin 1 mamyrda Lıtva quramasymen ótkizedi.
Almas MANAP,
«Egemen Qazaqstan»
