Qurmetti otandastar!
Qazaqstan halqy Assambleıasy barsha qazaqstandyqtardy Qazaqstan halqynyń birligi kúnimen shyn júrekten quttyqtaıdy!
Bul mereke elimizdiń barlyq azamattaryn biriktiretin orasan zor áleýet – dostyq pen ózara túsinistiktiń jarqyn merekesine aınalyp otyr.
Tatýlyq pen kelisim qundylyqtary Tuńǵysh Prezıdent – Elbasy N.Á. Nazarbaev saıasatynyń árdaıym asa mańyzdy basymdyqtary boldy. Sonyń arqasynda qoǵamymyzdyń kópetnosty bolýy, mádenıetter men tilderdiń alýan túrliligi bizdiń artyqshylyǵymyz ben jetistigimizge, Qazaqstan damýynyń berik negizine aınaldy.
Aıtýly merekeni birliktiń, óz Otanymyzdyń bolashaǵy úshin ortaq jaýapkershiliktiń erekshe atmosferasynda atap ótýdemiz.
Qazaqstan halqy Assambleıasynyń XXVII sessııasy qazaqstandyqtardyń tabysty da qarqyndy damıtyn Qazaqstandy qurý úshin belgilengen barlyq josparlardy iske asyrýǵa birge umtylatynyn taǵy da kórsetip berdi.
Qymbatty dostar!
Bárimizdiń ortaq mindetimiz – Táýelsiz Qazaqstannyń eń basty jáne aıqyn jetistikteriniń biri – qoǵamdyq kelisim men jalpyulttyq birlikti saqtaý.
Bizdiń yntymaqtastyǵymyz odan ári bekip, nyǵaıa bersin, al júrekterimizdi ortaq jeńisterimiz úshin maqtanysh kernesin!
Uly dalanyń ár úıine baqyt pen bereke, tatýlyq pen tabys tileımiz!
Qazaqstan halqy Assambleıasy
