Alma baǵyn otyrǵyzý rásimine elorda ákimi Baqyt Sultanov, Qazaqstan halqy Assambleıasy tóraǵasynyń orynbasary Janseıit Túımebaev, etnomádenı birlestikterdiń ókilderi men elordalyq JOO stýdentteri qatysty. Barlyǵy alma kóshetterin otyrǵyzýǵa 400-den astam adam atsalysty.
Úkimet basshysy Asqar Mamın baqtyń aýmaǵynda otyrǵyzylǵan alma aǵashynyń sorttarymen tanysty.
Esterińizge sala keteıik, atyraýlyq fermer Tamıla Rozmetova Jastar jylynyń saltanatty ashylý rásimi barysynda elordada alma baǵyn otyrǵyzýdy usynǵan edi.
Elbasynyń tapsyrmasy boıynsha Nur-Sultan qalasynyń ákimdigi alma kóshetterin otyrǵyzý úshin jer ýchaskesin jedel túrde ázirledi. О́z kezeginde T.Rozmetova elordaǵa kóshetter jetkizýdi uıymdastyryp, jańa alma sortyn «Nur-Sultan» dep ataýdy usyndy.
Qalalyq ákimdiktiń málimeti boıynsha, munda alma aǵashynyń belgili sorttary – belorýssııalyq sınap, belorýssııalyq tańqýraı, alesıa, ımant, frıdom, nadzeın, sakavıta jáne «Nur-Sultan» jańa sorty bar. Olar aıazǵa tózimdi ári uzaq saqtaýǵa bolady.
Barlyǵy 1 ga alqapqa bıiktigi 1,2-1,5 metr 800 alma aǵashtary otyrǵyzyldy.
Alma baǵy alǵashqy jemisterin 2-3 jyldan keıin beredi dep kútilýde.
Aǵashtarǵa kútim jasaý úshin tamshylatyp sýarýdyń zamanaýı júıeleri paıdalanylatyn
bolady. Aıta keteıik, alma baǵyn otyrǵyzý Qazaqstan halqynyń birligi kúnin
merekeleý aıasynda ótti.
