Kezdesý barysynda Qazaqstan Respýblıkasynyń Tuńǵysh Prezıdenti – Elbasy N.Nazarbaevtyń «Mádenı mura» ulttyq strategııalyq baǵdarlamasy jáne «Bolashaqqa baǵdar: rýhanı jańǵyrý», «Uly dalanyń jeti qyry» atty maqalasy aıasynda Aqtóbe óńirindegi tarıhı-mádenı eskertkishterge restavrasııa jasaý, jyr-dastandar jınaǵyn shyǵarý, eskertkishterge zertteý jumystaryn júrgizý syndy máseleler qaraldy.
Oblys basshysy atalǵan sharýalarǵa qatysty tarıhshylardyń birqatar usynys-pikirlerin tyńdady. Máselen, Qazaq Ulttyq О́ner ýnıversıtetiniń professory, belgili ónertanýshy jyraý Almasbek Almatov Edige jyraýdy folklorlyq mýzyka retinde taspaǵa basyp shyǵarý qajettigin usynsa, Á.Marǵulan atyndaǵy arheologııa ınstıtýtynan kelgen ǵalymdar arheologııalyq qazbalarǵa qatysty usynystaryn bildirdi.
Qazir elimiz boıynsha ózekti bolǵan máseleniń biri, jeke menshikke ótken jerdiń ıeleri ǵımarat salmastan buryn arheologııalyq zertteý júrgizbeıdi. Bul jer astynan shyqqan jádigerlerdiń qurtylýyna alyp kelýi múmkin.
«Tarıhqa qatysty árbir zertteý jumystary uqyptylyqty, jan-jaqty pysyqtalýdy qajet etetin dúnıe.Biz árbir bastamaǵa keshendi, júıeli túrde kirisýimiz qajet.Kóneni zertteý ony keleshek urpaqqa tabystaý bizdiń mindetimiz. Rýhanı jańǵyrý bolmaı, ekonomıkalyq damý bolmaıdy», dedi Ońdasyn Orazalın.
Oblys basshysy keıbir usynystarǵa qatysty orynbasaryna tapsyrma berip, birneshe máseleler boıynsha jumystar jasalý qajettigin aıtty.
