Sý basyp qalý qaýpi seıilgen joq
Seısenbi, 12 naýryz 2013 6:37
Bıyl jyldaǵyǵa qaraǵanda, Qyzyljar óńirine qar eki ese kóp jaýdy. Aptalarǵa sozylǵan burqasyn boran jáne kúshti jel saldarynan tasjoldarda qar keptelisi paıda bolyp, kúrdeli jaǵdaı qalyptasty. Beınesh – Qaraqoǵa avjojolynda 8 kólik, 30 jolaýshy qar qursaýynda qalyp, kómek der kezinde jetti. Krasnokıevka – Novoberezovka avtojolynda 6 jeńil, 2 júk mashınasy bar 25 adam qutqaryldy. Jol saqshylary men jedel kómek toby Lobanovo – Imantaý baǵytynda 96 adamy bar 50 avtokólikti qar qursaýynan aman alyp shyqty. Mundaı oqıǵalar kún saıyn derlik tirkelip otyrdy.
Seısenbi, 12 naýryz 2013 6:37
Bıyl jyldaǵyǵa qaraǵanda, Qyzyljar óńirine qar eki ese kóp jaýdy. Aptalarǵa sozylǵan burqasyn boran jáne kúshti jel saldarynan tasjoldarda qar keptelisi paıda bolyp, kúrdeli jaǵdaı qalyptasty. Beınesh – Qaraqoǵa avjojolynda 8 kólik, 30 jolaýshy qar qursaýynda qalyp, kómek der kezinde jetti. Krasnokıevka – Novoberezovka avtojolynda 6 jeńil, 2 júk mashınasy bar 25 adam qutqaryldy. Jol saqshylary men jedel kómek toby Lobanovo – Imantaý baǵytynda 96 adamy bar 50 avtokólikti qar qursaýynan aman alyp shyqty. Mundaı oqıǵalar kún saıyn derlik tirkelip otyrdy.
О́kinishtisi sol, adamdardyń nemquraıdylyǵy men beıqamdyǵy qaıǵyly oqıǵalarǵa soqtyrdy. Esil aýdany turǵynynyń múrdesi aýyl mańynan tabyldy. Ýálıhanov aýdanynda turatyn erli-zaıypty Belgibaevtar analarynyń qaıtys bolǵanyn estip, jolǵa jaıaý shyqqan. Qansha izdestirse de, áli kúnge deıin habar-oshar joq. Olardyń artynda 4 bala ańyrap qaldy. Jergilikti aýa raıyn boljaýshylar naýryz aıynda da qar shamadan kóp túsip, sońy aq tútek burqasynǵa aınalatynyn aıtyp, saqtandyryp baǵýda.
Endigi kúsh-jiger kóktemgi sý tasqynynyń aldyn alýǵa jumyldyrylǵan. Oblys ortalyǵynda on brıgada qurylyp, 400 myń tekshe metrge jýyq qar syrtqa shyǵaryldy. Oıqala, Zarechnyı, Benzostroı, Bylǵary zaýyt, Kopaı shaǵyn aýdandarynda 200-ge tarta úı men aýla aýmaqtaryn sý basyp qalý qaýpi bar. Osyǵan oraı apatty jaǵdaı týyndaıdy degen aımaqtarǵa qosymsha kúshter tartylǵan. Esil ózeni tası qalǵan jaǵdaıda qaýipti jerlerde ornalasqan 20 eldi meken turǵyndary úshin saqtandyrý sharalary júrgizilýde. Búginde quramynda 4 myńdaı adam men 1200 tehnıka birligi bar 238 apattyq-qutqarý qyzmeti saqadaı-saı tur.
Aldyn ala boljam boıynsha tasqyn sý zardaptaryna 13 myńdaı turǵyn men 5 myńnan astam úı janýarynyń ushyraıtyny múmkin ekendigi eskerilip, jedel kóshirý jumystary jan-jaqty qarastyrylyp otyr.
Natalıa POPOVA,
Soltústik Qazaqstan oblystyq tótenshe jaǵdaılar
jónindegi departamenttiń bas mamany.
