О́nim óńdeýdi jolǵa qoıdy

Sonymen qatar aýdanǵa ınvestısııa tartý, bıznestiń áleý­mettik jaýapkershiligin art­tyrý sııaq­ty máseleler de udaıy nazar­da. Ásirese Mırnyı, Myńaral aýyldaryndaǵy tirshi­lik aýdan­nyń agrarlyq-óndiris­tik óńirge aınalyp otyrǵanyn kórsetedi.

Mol baılyqty tıimdi paıdalaný da qazynaǵa keneltedi. Bul oraıda násibin kásipten izdegen moıynqumdyqtar óndi­ris órisin keńitýge kúsh salýda. Moıynqum aýdanynyń ákimi Máden Musaevtyń aıtýynsha, jergilikti mol shıkizat qory uqsatylyp, óńdelip, daıyn ónim túrinde kóptep shyǵarylýda eken. Máselen, «Orgstroı» jaýap­kershiligi shekteýli serik­tes­tiginiń jarylys bloktary óndirisiniń jańa tehnologııasyn qoldaný arqyly granıt óndirý men óńdeý isin jolǵa qoıyp otyrǵanyn aıtsaq bolady. Atalǵan zaýyt­ta bordıýr, granıt taqtatas, tósem­der shyǵarylyp, ónimniń negizgi bóligi Nur-Sultan jáne Almaty qalalaryna jóneltiledi. Atalǵan zaýyttyń eńbekti qorǵaý jáne eńbek qaýipsizdigi jónindegi ınjeneri Dýlat Jaınaqbaev kásiporyn búginde 86 adamdy turaq­ty jumyspen qamtyp otyr­ǵanyn, zaýytta ótken jyly 707 mıllıon teńgeniń 66 myń sharshy metr granıt ónimi óndirilgenin aıtty. «Eki jyl buryn zaýyttyń ekinshi blogyn iske qosqanbyz. Osyǵan baılanysty ótken jylǵy tabys kólemi edáýir kóbeıdi. Aldaǵy ýaqytta da kásiporynnyń qýatyn eseleı túsýge jumys isteımiz», deıdi ol.

Búginde aýdannyń ekonomı­kalyq damýyna úles qosyp otyr­ǵan Myńaral aýylynda orna­lasqan balyq zaýyty. Kásip­oryn jyl saıyn 1,5 myń tonna balyq ónimderin óndire alady. Biraq za­ýyt áli kúnge deıin tolyq qýatynda jumys istep tur­ǵan joq. Dese de, balyq zaýy­ty jergilikti halyqtyń ál-aýqatyn arttyrýǵa septesýde. Shıki­zat tapshylyǵy Myńaral zaýy­tynda da bar. Máselen, 2017 jyly 853 tonna balyq ónimi óndirilse, ótken jyly ónim 597 tonna kóleminde ǵana oryndalypty. Bul rette mekeme basshylyǵy jergilikti jerdegi balyq aýlaıtyn aıdyndardyń kólemi ulǵaıtylyp, jeńildik qarastyrylýy keregin aıtady. Munda búginde 50-ge tarta adam turaqty jumyspen qamtylǵan bolsa, onyń ishinde 41 azamat jergilikti turǵyndar.

Áýlıeata óńirindegi alyp ón­diris oshaqtarynyń birinen sana­la­tyn Jambyl sement ón­diris­tik kompanııasy da Moıyn­qum aýdanynyń aýmaǵynda orna­lasqan. Atalǵan kásiporyn jylyna 1500 tonna ónim shyǵarady. «Atalǵan óndiris oshaǵy ót­ken jyly buryn-sońdy bolmaǵan rekordtyq kórsetkishke qol jetkizip, óndirgen ónim kólemi zaýyt qýatynan áldeqaıda asyp túsken. Jýyrda ǵana aýyl tur­ǵyn­darymen jáne zaýyt ujy­my­men kezdesip, óndiristi odan ári arttyrýdyń jaıyn talqyladyq», deıdi aýdan ákimi Máden Musaev.

О́tken jyly munda M400 jáne M400D markaly 1542 tonna sement óndirilipti. Sonymen qatar atalǵan kásiporyn búginde tolyq avtomattandyrylǵan dıs­pet­cher­lik basqarý júıesine kóshi­ri­lip, qazir bul jerde 255 adam tu­raq­ty jumyspen qamtylyp otyr. Endigi jerde aýdan ákimdigi men zaýyt basshylyǵy tarapynan ón­diris jumysshylaryna qolaı­ly jaǵ­daılar jasalyp, túrli áleýmet­tik kómekter kór­setiletin bolady.