Saıasat • 20 Mamyr, 2019

Investısııalar aǵyny tolastamaıdy

757 ret kórsetildi

HII Astana ekonomıkalyq forýmy aıasynda Qazaqstan Premer-Mınıstri Asqar Mamınniń qatysýymen Jahandyq ınvestısııa­lar jónindegi úshinshi qazaqstandyq dóńgelek ústel ótti. Oǵan álemniń 41 elinen 600-ge jýyq sheteldik maman jınaldy.

Plenarlyq sessııada básekege qabilettilikti arttyrý, kólik-lo­gıstıka, agroónerkásip áleýetin, qarjy naryqtary men tehnologııalardy damytý, memlekettik aktıvterdi jekeshelendirý máse­leleri talqylandy. Sessııany Global China jýrnalynyń bas redaktory jáne Financial Times damýshy naryqtar jónindegi redaktory Djeıms Kın júrgizdi.

«Investısııalar – bizdiń ekonomıkanyń damýy men ósiminiń irgeli faktory bolyp qala beredi. Táýelsizdik alǵan jyldardan beri Qazaqstan ekonomıkasyna 300 mlrd dollar ınvestısııa tar­tyl­dy. Bul jetistikterimiz aımaq­taǵy básekege qabiletti ári iri eko­nomıkaǵa ıe bolýǵa múmkindik berdi. IJО́ ótken jyly 4 paıyzǵa ósti. Syrtqy saýda 20 paıyzǵa artyp, onyń áseri eksport kólemin 26 paıyzǵa arttyrýǵa septigin tıgizdi. Osy qarqyndy saqtaı alsaq, jyldyń sońyna deıin ekonomıkalyq aınalym 100 mlrd dollarǵa jetip qalýy kerek», dedi A.Mamın.

Úkimet basshysynyń aıtýynsha, ınvestısııalar – Qazaqstan ekonomıkasynyń ósimi men da­mýynyń irgeli faktory. 2018 jy­ly Qazaqstanǵa 24 mlrd AQSh dollarynan astam tikeleı shetel­dik ınvestısııa salyndy. Bul kórsetkish Ortalyq Azııa­daǵy tikeleı she­tel­dik ınves­tısııalardyń jalpy kóleminiń 90 paıyzdan astamyn quraıdy.

Halyqaralyq kapıtal aǵynyn odan ári kúsheıtý maqsatynda Úkimet ınvestorlardy jan-jaq­ty qoldaýdy qamtamasyz etetin jańa tásilderdi engizip jatyr. Máselen, Úkimet basshysy «Astana» halyqaralyq qarjy ortalyǵy sheteldik tikeleı ınvestısııalardy tartýda sheshýshi rólge ıe bolatynyn aıtty. «Biz qalyptastyryp otyrǵan qarjylyq jáne ınvestısııalyq ekojúıe Qazaqstandy aımaqtyq jáne halyqaralyq qarjylyq ortalyq etýge jol ashary daýsyz. Shıkizattyq emes sektorǵa ınves­tısııa salý júıesin jeńildetý úshin biz Sheteldik tikeleı ınves­tısııalar qoryn qurdyq. 1 mlrd dollar kólemindegi kapıtaldaný múmkindigine ıe bolǵan qor qar­jylyq resýrstardy keleshegi mol eksporttyq salalarǵa baǵyttaı otyryp, jergilikti naryqtaǵy aksııalardyń damýyna negiz bolýy tıis», dedi A.Mamın.

Úkimet basshysy qatysý­shy­lardy Qazaqstanda bıznes júr­gizýge jáne ınvestısııa salýǵa, so­nyń ishinde jekeshelendirý baǵ­darlamasy aıasyndaǵy tıimdi múm­kindikterdi qarastyrýǵa sha­qyrdy. 

Plenarlyq otyrysta saıasatker jáne ekonomıst, Túrkııanyń eks vıse-premeri Mehmet Shim­shek, EDQQB banktik operasııa­lar boıynsha vıse-prezıdenti Alan Pııý, BCG-nyń tóraǵasy Hans-Pol Bıýrkner, Azııalyq ın­fra­qurylymdyq ınvestısııa­lar bankiniń Saıasat pen strategııa jónindegi vıse-prezıdenti Ioaxım fon Amsberg, China CITIC Bank Corporation Limi­ted Dırektorlar keńesiniń tóra­ıymy Lı Sınpın, Bitfury Group kópsalaly blokcheın kompa­nııasynyń bas dırektory jáne negizin qalaýshylardyń biri Valerıı Vavılov sóz aldy.

Forým qorytyndysy boıyn­sha eleýli ınvestısııalyq ke­lisimderge qol jetkizilip, jalpy quny 8,3 mlrd AQSh dollaryn quraıtyn 43 kommersııalyq kelisimge qol qoıyldy.

Sońǵy jańalyqtar

Jigittermen kúsh synasqan arý

Ulttyq sport • Búgin, 08:43

Qytaıdan qalyp qoıdyq

Sport • Búgin, 08:42

Tabystary – 2 117 000 dollar

Sport • Búgin, 08:40

Sınsınnatıdegi týrnır bastaldy

Sport • Búgin, 08:38

Úzdik qurylysshylar marapattaldy

Qoǵam • Búgin, 08:37

Olımpıadadan keıingi oılar

Sport • Búgin, 08:35

Jarys qyzǵan shaǵyna jetti

Sport • Búgin, 08:34

Tehnopark tegin oqytady

Qoǵam • Búgin, 08:32

Balalarǵa arnalǵan startaptar

Qoǵam • Búgin, 08:30

Julynqurt laboratorııasy áshkerelendi

Aımaqtar • Búgin, 08:27

«Talgodaǵy» talan-taraj

Qoǵam • Búgin, 08:25

Shalǵaıdaǵylar shaǵym aıtady

Bilim • Búgin, 08:22

Jańa mektepter kóbeıedi

Bilim • Búgin, 08:20

Jalbyz ben jaýynqurt ósiredi

Qoǵam • Búgin, 08:17

Moıynqumda mańyzdy máseleler aıtyldy

Aımaqtar • Búgin, 08:13

Jańa Qazaqstan – sheteldikter kózimen

Saıasat • Búgin, 08:10

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Shıraz bulbuly

Ádebıet • Keshe

Ata jurtta

Ádebıet • Keshe

Oqý men oqymaý hám talǵam

Ádebıet • Keshe

Abaı oblysynyń aty ozdy

Aımaqtar • Keshe

Uqsas jańalyqtar