Ulttyq kelisim – qasterli uǵym
Sársenbi, 9 qańtar 2013 7:37
Dostyq úıinde oblystyq Qazaqstan halqy Assambleıasy ókilderiniń qatysýymen dóńgelek ústel ótip, Memleket basshysy Nursultan Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» uzaq merzimdi Joldaýy basty taqyryp talqysyna aınaldy.
Onda sóz alǵan oblystyq «Qazaq tili» qoǵamynyń tóraǵasy Káribaı Musyrman el damýynyń aldaǵy damý kókjıegin aıqyndap bergen tarıhı qujattyń mańyzdylyǵyna toqtala kelip,
Sársenbi, 9 qańtar 2013 7:37
Dostyq úıinde oblystyq Qazaqstan halqy Assambleıasy ókilderiniń qatysýymen dóńgelek ústel ótip, Memleket basshysy Nursultan Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» uzaq merzimdi Joldaýy basty taqyryp talqysyna aınaldy.
Onda sóz alǵan oblystyq «Qazaq tili» qoǵamynyń tóraǵasy Káribaı Musyrman el damýynyń aldaǵy damý kókjıegin aıqyndap bergen tarıhı qujattyń mańyzdylyǵyna toqtala kelip, Táýelsizdigimizdiń basty qundylyqtaryn baıan etti. Oblysymyzdy meken etetin etnos ókilderi dostyq, birlik, tatýlyq, aýyzbirlik atty uly uǵymdardy kózdiń qarashyǵyndaı saqtap, qadirleı biledi. Olardyń kúsh-jigeri ortaq Otanymyzdy gúldendirýge arnalǵan. Oblystyq Assambleıa aıasynda 117 etnobirlestik turaqty jumys isteıdi.
Búginde ulttyq uranymyz sekildi «Qazaqstannyń bolashaǵy –qazaq tilinde», «Qazaq qazaqpen qazaqsha sóılessin», «Tilge degen kózqaras – elge degen kózqaras» degen sózderdiń tereń mánin jastarǵa talmaı uqtyra bilgen jón. Sonda ǵana qazaq tili jappaı qoldanys tiline aınalyp, elimizdi «Qazaq memleketi» dep ataıtyn kún týady.
Joldaýda latyn qarpine kóshý ult bolyp sheshýge tıis qaǵıdatty másele retinde kóterilip, qazaq tilin jańǵyrtýdyń alǵysharttarynyń biri retinde kún tártibine qoıylýy qýantady. M. Qozybaev atyndaǵy SQMÝ-diń tarıh jáne quqyq fakýltetiniń dekany Sabyr Ibraev Elbasy halyqqa arnaǵan dástúrli joldaýlarynda únemi eldiń damý strategııasyn belgilep kele jatqanyn jetkize kelip, bul jolǵy baǵdarlamanyń ózgeshe, bólek bitimine toqtaldy. «Vıdergebýrt» nemis mádenı birlestiginiń jetekshisi Elvıra Kovzel qoǵamymyzda barlyq etnos azamattarynyń quqyqtar teńdigi saqtalyp otyrǵanyn, turaqtylyqty, beıbit ómirdi nyǵaıtý saıasaty erekshe qoldaýǵa ıe ekenin tilge tıek etse, «Urpaq» qazaq mádenı-aǵartý birlestiginiń múshesi Dınara Maqsutova jańa qazaqstandyq patrıotızm aıasynda oı órbitti.
Raýshan YSMAIYLOVA,
Soltústik Qazaqstan oblystyq
QHA hatshylyǵynyń bas mamany.
PETROPAVL.
