Oqyrmanǵa usynylyp otyrǵan jınaqqa «Os sýshestvovanııa» atty romany, «Na beregý», «Devıat ýmr dlıa odnoı ýmmy» atty povesteri men merzimdik basylymdarda jarııalanǵan maqalalary engen. Baspadan jańa shyqqan kitaptyń tanystyrylymyna baılanysty ótken sharany «PEN» klýbtyń prezıdenti Bıgeldi Ǵabdýllın júrgizip otyrdy.
Úmit Tájiken – orys tilinde jazatyn jazýshy. Shyǵarmashylyǵy men bolmysy shynaıy tulǵa. Qalamgerdiń qoǵamdyq qubylystarǵa beı-jaı qaraı almaı, jyldar boıy kórgen-bilgenin, jıǵan-túıgenin júreginen ótkize otyryp, azamattyq tujyrymmen jazylǵan kezekti kitaby jaıly pikir bildirgen qalamdastary kóp boldy. Qazaq ádebıetiniń qabyrǵaly qalamgerleri Ábdijamıl Nurpeıisov, Smaǵul Elýbaı, Qýanysh Jıenbaı jańa jınaqtyń jaryqqa shyǵýymen quttyqtap, izgi tilekterin bildirdi. Qazaqstan Jazýshylar odaǵy tóraǵasynyń orynbasary, aqyn Baýyrjan Jaqyp Úmit Tájikenniń shyǵarmashylyǵyna az-kem sholý jasap, prozadaǵy aıshyqty orny týraly áńgimeledi. Qazaqstan Jazýshylar odaǵynyń tóraǵasy Ulyqbek Esdáýlettiń de lebizin jetkizip, sońǵy jyldary jaryq kórgen jazbalardan quralǵan jınaqqa sát-sapar tiledi.
Shara aıasynda Ulttyq kitaphana qorynan Úmit Tájikenniń ómiri men shyǵarmashylyǵyna arnalǵan kitap kórmesi jáne jazýshynyń qyl qalammen dostyǵyn pash etetin sýretterinen kórme uıymdastyrylady.
