Sondaı-aq qazaqstandyq kınematograftardyń sońǵy jyldary túsirilgen tanymal fılmderiniń tanystyrylymy da festıvaldyń mazmunyn tereńdete tústi. Lıtva kórermenderine «Anaǵa aparar jol», «Shal», «Talan», «Almas qylysh», «Jaýjúrek myń bala» fılmderi jáne «Kúltegin» anımasııalyq fılmi usynyldy.
Qazaqstannyń Lıtvadaǵy elshisi V.Temirbaev Eva Sımonaıtıte atyndaǵy kitaphanada uıymdastyrylǵan is-sharanyń ashylý rásiminde qazaqstandyq ónerdiń kópshilikke taralýy jáne elimizdiń mádenı áleýetiniń damýyndaǵy órkendeýdiń «Rýhanı jańǵyrý» baǵdarlamasy men «Uly dalanyń jeti qyry» atty Elbasy maqalasy arqyly oıdaǵydaı iske asyrylyp jatqanyn atap ótti.
Buǵan qosa, qazaqstandyq dıplomat Qazaqstan men Lıtva arasyndaǵy mádenı dıalogty tereńdetý, ásirese jas urpaqtardyń arasynda qajet ekenin basa aıtty.
Qazaqstan óneriniń tanystyrylymyna arnaıy kelgen Klaıpeda qalasynyń meri V.Grýblıaýskas jáne Qazaqstannyń Klaıpedadaǵy Qurmetti konsýly B.Petraýskas, sondaı-aq Lıtvanyń jetekshi ýnıversıtetteriniń rektorlary – «Klaıpeda ýnıversıteti» men «LCC University» yntymaqtastyqty tereńdetýdegi qyzyǵýshylyqty rastady.
Ashylý saltanatyna qatysqan «Lıtvanyń teńiz astanasynyń» turǵyndary men qonaqtary qazaq óneriniń týyndylaryn qyzyǵa tamashalap, kórmeniń jarqyn tústeri men tereń maǵynasyna aıryqsha kóńil aýdardy.
Sýretshi Raýza Eralıevanyń kórmesi men Qazaqstan kınosynyń kúnderi Klaıpeda qalasynda 5 maýsymǵa deıin jalǵasady.
ALMATY
