«О́kinishke qaraı, balamdy baǵý úshin men jumystan ketemin. Meniń balam aýtızm dertimen týylǵan. Endigi mindetim balamdy baǵyp, kútý. Osy jyldarda kóp jumys atqaryldy, úlken rahmet!» deıdi Ásel Júnisova.
О́z kezeginde Baýyrjan Baıbek Ásel Júnisova óziniń keńesshisi bolyp qala beretindigin málimdep otyr.
«Ásel Abylaıqyzy 3,5 jyldaı ákimniń orynbasary bolyp jumys istedi. On shaqty jyl memlekettik qyzmetterde júrdi. «Qurmet» ordeniniń ıegeri. Birneshe tilde erkin sóıleıdi. Men onyń sheshimin qurmetteımin. Bir aýyq damyldap, óz otbasyna kóńil bólýge degen qadamyn quptaımyn. Biraq ol meniń keńesshim bolyp qala beredi. Kerek kezinde Júnisovanyń qyzmetine júginetin bolamyz», deıdi Almaty qalasynyń ákimi.
Ásel Júnisova megapolıs basshysynyń orynbasarlyǵy qyzmetine kelgenge deıin Nur Otan partııasy Ortalyq apparatyn basqardy. Oǵan deıin ár jyldary Qazaqstan Prezıdenti Ákimshiliginiń strategııalyq ázirlemeler jáne taldaý ortalyǵy meńgerýshisiniń orynbasary jáne Qazaqstan Prezıdenti Ákimshiliginiń strategııalyq ázirlemeler jáne taldaý ortalyǵynyń meńgerýshisi boldy.
