Arnaıy kýrstan ótkender qatarynda Nur-Sultan shahary, Shyǵys Qazaqstan, Qostanaı, Qaraǵandy, Aqmola, Túrkistan jáne Aqmola oblystarynyń ákimdikteri men Parlament Májilisiniń, Mádenıet jáne sport, Energetıka mınıstrlikteriniń, sondaı-aq Bas prokýratýranyń qyzmetkerleri bar. Sertıfıkattardy AHQO basqarma tóraǵasynyń orynbasary Qaırat Aıtekenov, Prezıdent janyndaǵy memlekettik basqarý akademııasynyń rektory Áltaıyr Ahmetov, AHQO akademııalyq keńesiniń tóraǵasy Aleksandra Van de Pýtt tabystady.
Á.Ahmetov búginde memlekettik qyzmetkerlerdiń jańa býyny qalyptasqanyn, olarǵa qoıylatyn talap ta kúsheıgenin jetkizdi. Atalǵan kýrsty támamdaǵan Túrkistan oblystyq týrızm jáne syrtqy saıasat basqarmasynyń bólim basshysy Perızat Qonysbaeva endi kórgen-túıgenin óz óńirinde júzege asyrmaq.
– Qarajatty jumsaý mádenıeti, álemdik ekonomıkadaǵy sońǵy úrdister jaıly keńinen maǵlumat aldyq. Onyń ishinde jasyl tehnologııany damytý joldary, ınvestısııa tartý amaldary qarastyryldy. AHQO-ny álemdik deńgeıge kóterý jóninde ilkimdi oılar aıtyldy. Týrızm salasynda qyzmet etkendikten qarjy ınstıtýttarymen jumysty jolǵa qoıýdyń tetikterin, sonymen qosa yntymaqtastyqty arttyrýdyń ádisin meńgerdik, – deıdi memlekettik qyzmetker.
Jaqsylyq Muratqalı,
«Egemen Qazaqstan»
