rmıandar Serj Sargsıandy tańdady. Nege?
Juma, 22 aqpan 2013 7:02
Armenııada saılaý ótti. Halyq qazirgi prezıdent Serj Sargsıannyń ustaǵan baǵytyn qoldady. Saılaýǵa qatysqandardyń 58,6 paıyzy ony jaqtap daýys berdi.
Birinshi týr bolǵandyqtan da muny joǵary kórsetkish dep baǵalaǵan jón. Bul elde saıası partııalar, toptar jetkilikti. Halyqtyń saıası belsendiligi de aıtarlyqtaı joǵary. Bul saılaýdy Serj Sargsıannyń alǵashqy merzimdegi jumysyna baǵa dep qabyldaýǵa bolǵandaı.
Juma, 22 aqpan 2013 7:02
Armenııada saılaý ótti. Halyq qazirgi prezıdent Serj Sargsıannyń ustaǵan baǵytyn qoldady. Saılaýǵa qatysqandardyń 58,6 paıyzy ony jaqtap daýys berdi.
Birinshi týr bolǵandyqtan da muny joǵary kórsetkish dep baǵalaǵan jón. Bul elde saıası partııalar, toptar jetkilikti. Halyqtyń saıası belsendiligi de aıtarlyqtaı joǵary. Bul saılaýdy Serj Sargsıannyń alǵashqy merzimdegi jumysyna baǵa dep qabyldaýǵa bolǵandaı.
Sirá, osyndaı jaǵdaıdy ańǵarǵan biraz saıasatkerler, oǵan belgili dárejede básekeles bolǵandaı birneshe bedeldi qaıratkerler kúni buryn saılaýǵa qatysýdan bas tartty. Bul rette burynǵy prezıdent Levon Ter-Petrosıan, «О́rkendegen Armenııa» partııasynyń kósemi, bıznesmen G.Sarýkıandy aıtýǵa bolar edi. Al kúreske qosylǵandar arasynan, ártúrli, tipti ekzotıkalyq minezdi adamdy da kezdestiresiń. Sol minezderin kórsetip, kúlki týdyrǵandary da boldy. Sóıtip, alǵashqy 15 úmitkerden sońǵy kúreske 7 adam shyqty.
Olardyń ishinde burynǵy laýazymy joǵarylaýy eks-premer Grand Bagratıan bolsa, aıqaıy kúshtileýi burynǵy syrtqy ister mınıstriniń orynbasary Raffı Ovanesıan edi. «Ulttyq ózin ózi aıqyndaý» birlestigi partııasynyń kósemi Parýır Aırıkıan, Taýdaǵy Qarabaqtyń syrtqy ister mınıstri bolǵan Arman Melıkıan, saıasatker Andres Gýkosıan jáne ózin ózi usynǵan Vardan Sedrıkıan – saıası oıyn dúrmegine jaı qosylǵandar. Bulardyń arasynan jeńip shyǵý Serj Sargsıanǵa qıynǵa soqqan joq.
Saılaýda Raffı Ovanesıannyń 36,7 paıyz daýys jınap, ekinshi oryn alǵany biraz jurtty tańdandyrdy. Onyń da kóp qupııasy joq. Ol saılaý naýqanyn bastaǵanda, Taýdaǵy Qarabaq respýblıkasyna birden táýelsizdik beremin dep málimdedi. Bul respýblıkada biraz halyq turady, táýelsizdik degen tátti uǵym biraz daýysty Ovanesıanǵa alyp berdi. Basqa úmitkerlerdiń barlyǵynyń daýysyn qosqanda 10 paıyzdyń tóńireginde. Sodan da Sargsıannyń jeńisi qısyndy da zańdy.
Armenııa – shaǵyn ǵana el. Halqynyń sany 3 mıllıon tóńireginde. Jeri – 29,74 myń sharshy km. Memlekettik sıpaty – demokratııalyq prezıdenttik respýblıka. El basshysy – prezıdent. Myńdaǵan jyldyq tarıhy bar el. Biraq eshkim de biz mynadaı bolǵanbyz dep, kókirek soqpaıdy. Sol tarıhyn jalǵastyryp jatyr. Jeri shaǵyn jáne onda qazba baılyq az. Biraq onyń esesine óte talantty halqy bar. Ol óz kúnderin kórip qana qoımaıdy, ónerimen, eńbekqorlyǵymen, kásipqorlyǵymen elin álemge tanytady. Sodan da Armenııa deıtin eldi, memleketti, armıan deıtin halyqty jurttyń bári biledi.
Qazirgi ekonomıkalyq kórsetkishtermen qaraǵanda, eldiń deńgeıi joǵary emes. Tipti halqynyń birazy tabystaryn syrttan taýyp júr. Armıandar óz elindegilerge qaraǵanda, syrtqa eń kóp shashylǵan halyq eken. Olar bul jóninde evreılerdi de artqa tastaǵan kórinedi. Biraq kóshe sypyrǵan, arba súıregen, bireýge qul bolyp júrgen armıandy taba almaısyń. Olar basqalarǵa jumys istetedi. Bilgen soń. AQSh, Fransııa sııaqty elderde mıllıarder armıandar bolsa, mıllıonerlerdi kóp elden tabasyń. Syrtta júrip elin umytpaıdy. Dástúrin, tilin umytpaıdy. Qandastaryna qamqor bolyp júredi.
Elge kim basshy bolyp saılansa da, eń aldymen, olar sol talantty halqyna arqa súıeıdi. El aldynda úlken mindetter tur. Halqyn ash etpeý óz aldyna, shaǵyn elin soǵys sııaqty kesapattan saqtap qalýy kerek. Bul eldiń basqalarmen jeke tiresip soǵysýǵa shamasy joq. Sodan Reseıdeı alyp elge arqa súıeıdi, basqalarmen dostasady. Sargsıan ótken bes jylda solaı etti. Armıandar sondyqtan da aldaǵy bes jyldyqta da óz taǵdyryn taǵy da onyń qolyna ustatty.
Mamadııar JAQYP,
«Egemen Qazaqstan».
