Qazaqstan Respýblıkasynyń Premer-Mınıstri Asqar Mamın jańa QR Saýda jáne ıntegrasııa mınıstrliginiń ujymyna Memleket basshysynyń Jarlyǵymen taǵaıyndalǵan basshy Baqyt Sultanovty tanystyrdy.
Asqar Mamın tanystyrý barysynda B. Sultanovtyń basshylyq qyzmetterdegi kóp jyldyq jumys tájirıbesin atap ótti. Ol ekonomıka jáne bıýdjettik josparlaý, qarjy mınıstrlikterin basqarǵan. Túrli jyldary Premer-Mınıstrdiń orynbasary, Prezıdenttiń kómekshisi, Prezıdent Ákimshiligi basshysynyń orynbasary qyzmetterin atqarǵan. Osyǵan deıin Nur-Sultan qalasynyń ákimi qyzmetin atqarǵan.
«B. Sultanovtyń jańa memlekettik organnyń jumysyn uıymdastyrýǵa jáne qoıylǵan mindetterdi sapaly oryndaýǵa qajetti mol tájirıbesi bar», — dedi A. Mamın.
QR Premer-Mınıstri B. Sultanovtyń Memleket basshysynyń úlken senimin aqtap, jańa Mınıstrliktiń aldynda turǵan mańyzdy mindetterdiń sapaly oryndalýyn qamtamasyz etetinine senim bildirdi.
QR Saýda jáne ıntegrasııa mınıstrligine ishki jáne syrtqy saýda saıasaty, eksportty úılestirý jáne ilgeriletý, tehnıkalyq retteý jáne standarttaý salasyndaǵy fýnksııalar berilgen.
