• 14 Aqpan, 2013

Qylmysty qala

523 ret

kórsetildi

2 mın

oqý úshin

Egemen Qazaqstan

Qylmysty qala

Beısenbi, 14 aqpan 2013 7:03

2012 jyly oblystyń qadaǵalaý organy baqylaǵan jaılar men júrgizgen jumystardy saralap, qylmys pen zań buzýshylyqqa baılanysty oblys óńiriniń byltyrǵy kórinisin kóz aldymyzǵa elestetsek, jan shoshıdy. Byltyr oblysta 23109 qylmys tirkelgen, bul aldyńǵy 2011 jylmen salystyrǵanda 50 paıyzǵa kóp degen sóz.

Beısenbi, 14 aqpan 2013 7:03

Qostanaı oblysy halqynyń sany áli mıllıonǵa jetken joq. Biraq ótken jylǵy tirkelgen qylmystyń kórsetkishi jaǵynan Qostanaı turǵyndarynyń sany mıllıonnan asyp ketken oblystardy artqa tastap, tórtinshi orynǵa kóterilip tur. Tipti qylmystyń ındeksine qarasaq, Qostanaı qalasy Astana, Almaty sııaqty iri ortalyqtardan keıin úshinshi orynǵa shyǵypty. Eger elimizde ár on myń turǵynǵa 264 qylmystan kelse, Qostanaı qalasynda kórsetkish ár on myń turǵynǵa 521-den keledi. Bul respýblıka boıynsha qylmystyń eń joǵarǵy kórsetkishteriniń biri. Sondaı-aq, oblys ortalyǵynan keıin Rýdnyı qalasy, shalǵaıdaǵy Denısov, Qarasý, shekaraǵa jaqyn jatqan Jitiqara, Qarabalyq jáne Qostanaıdyń irgesindegi osy attas aýdandarda qylmys deńgeıi tipten joǵary. Bul kórsetkishter elimizdegi óndiristi qalalardyń ózin artqa tastaıdy. Qoǵamdyq oryndarda jasalǵan qylmystyń sany eki ese kóbeıgen, ár tórtinshi qylmysty ishimdik iship, masań qalyptaǵy adam jasaǵan, al ár úshinshi qylmys buryn sottalǵan adamdarǵa tıesili. Páter tonaý 46 paıyzǵa ósken.

Sonymen qatar, qoǵamdyq oryndarda azamattardyń qarý qoldanýynyń jıileýi de alańdatady. Ol ótken jylmen salystyrǵanda 32 paıyzǵa ósken. Al anyqtalǵan korrýpsııalyq quqyq buzýshylyqtyń sany jóninen de Qostanaı aldyna qara salmaı tur. О́tken jyly oblysta sybaılas jemqorlyq sıpatyndaǵy 112 qylmys tirkelgen.

Osylaısha kóńil qulazytar kórsetkishter bola tura oblysta qylmystyń ashylýy 15 paıyzǵa tómendegen. Endi buǵan ne amal bar?

Názıra JÁRIMBETOVA,

«Egemen Qazaqstan».