О́ńirde qylmys kóbeıip tur
Seısenbi, 12 naýryz 2013 7:19
Oblysymyzda sońǵy úsh jylda qylmys sanynyń ósýi baıqalýda. Quqyqtyq statıstıka basqarmasynyń málimetterinshe, byltyr oblystyń quqyq qorǵaý organdarynda 14 415 qylmys tirkelipti. О́tken jylmen salystyrǵanda qylmys sany 38,7 paıyzǵa artqan. Mysaly, ótken jyldyń 12 qarashasy kúni Saltanat Nysanbekovanyń páteri tonalypty. Biraq, kúni búginge deıin quqyq qorǵaý oryndary tarapynan eshqandaı kómek joq kórinedi. Tipti, hal-jaǵdaılaryńyz qalaı dep qarapaıym adamgershilik te tanytylmasa kerek. О́zderin izdeýshiler bolmaǵan soń, urylar erkinsimegende qaıtsin.
Seısenbi, 12 naýryz 2013 7:19
Oblysymyzda sońǵy úsh jylda qylmys sanynyń ósýi baıqalýda. Quqyqtyq statıstıka basqarmasynyń málimetterinshe, byltyr oblystyń quqyq qorǵaý organdarynda 14 415 qylmys tirkelipti. О́tken jylmen salystyrǵanda qylmys sany 38,7 paıyzǵa artqan. Mysaly, ótken jyldyń 12 qarashasy kúni Saltanat Nysanbekovanyń páteri tonalypty. Biraq, kúni búginge deıin quqyq qorǵaý oryndary tarapynan eshqandaı kómek joq kórinedi. Tipti, hal-jaǵdaılaryńyz qalaı dep qarapaıym adamgershilik te tanytylmasa kerek. О́zderin izdeýshiler bolmaǵan soń, urylar erkinsimegende qaıtsin.
«Egemen Qazaqstannyń» Pavlodar oblysyndaǵy menshikti tilshisi Farıda Byqaı oblystyq quqyqtyq statıstıka jáne arnaıy esepke alý basqarmasynyń bastyǵy Murat Hamıtovke:
– Siz buǵan ne deısiz?
–Qoǵamdyq tártipti saqtaý men qoǵamdyq qaýipsizdikti qamtamasyz etý, qylmyspen kúres ishki ister organdarynyń basty mindeti ekeni belgili. Alaıda, óńirde quqyq buzýshylyqpen kúres sharalary tek polıseılerdiń «moınynda» ǵana emes. Joǵaryda keltirilgen málimetter jergilikti memlekettik organdardyń, bilim berý, áleýmettik qamsyzdandyrý, mádenıet jáne sport salalarynyń ózara is-qımyl sharalarynyń pármensiz ekenin baıqatady. Bul oraıda, qoǵamdyq jerlerde jasalatyn qylmystardyń aldyn alý maqsatynda elimizdiń Bas prokýratýrasynyń quqyqtyq statıstıka jáne arnaıy esepke alý komıtetiniń oblys boıynsha basqarmasy qalalar men aýdandardyń ákimderimen birlesip, arnaıy sharalar keshenin ázirleýde. Sondaı-aq, «Qylmystylyq kartasy» men «Jol oqıǵalarynyń kartasyn» daıyndaý qolǵa alyndy. Kartalardy pravstat.prokuror.kz saıtynan kórýge bolady.
Mysaly, qylmys sanynyń artýy oblys ortalyǵynda 52,4 paıyz bolsa, aýdandar arasynda Lebıaji 36,8 paıyzdy kórsetip otyr. Iаǵnı, aýyldyń ózinde qylmys jasaý arta túsken. Sol sekildi, – Aqsýda –33,6, Jelezınde – 32,3, Ertiste 25 paıyz… Qylmys túrleriniń arasynda ózgeniń múlkin urlaý, buzaqylyq basym. Bular jalpy qylmystar sanynyń úshten bir bóligin quraıdy. Sondaı-aq, adam óltirý, densaýlyqqa aýyr zardap keltirý, alaıaqtyq sııaqty zań buzýshylyqtar da azaıar emes. Saraptama nátıjeleri boıynsha, qoǵamdyq jerlerde jasalǵan qylmystardyń negizgi bóligi kóshedegi buzaqylyq sanatyna jatady. Qylmystyq oqıǵalardy zertteý barysynda kóshe buzaqylyǵy kúz, qys mezgilderinde jáne juma, demalys kúnderi men merekelerde jıi tirkeletini anyqtaldy. Klýbtar men saýda-sattyq oryndarynda jasalǵan qylmys sany jalpy tirkelgen zań buzýshylyqtardyń 22 paıyzyn qurap otyr. Quqyq buzýshylyqtarǵa jol bergenderdiń kóbi jumyssyz júrgender, spırttik ishimdik ishkender men buryn isti bolǵandar. Oblys boıynsha tirkelgen qylmystardyń 3879-yn – jumyssyzdar, 1008-in – ishkishter men nashaqorlar, 1020-syn – buryn sottalǵandar jáne 267-sin jasóspirimder jasaǵan eken. Bul derekter óńirde qylmystyń aldyn alý úshin birlesken jumystardy kúsheıtýdi qajet etetinin kórsetedi.
Pavlodar oblysy.
