AQSh Qazaqstannyń jetekshi ınvestısııalyq seriktesteriniń biri. 2018 jyldyń qorytyndysy boıynsha elder arasyndaǵy taýar aınalymy 2,3 mlrd. AQSh dollaryn qurady. 2018 jyldyń qorytyndysy boıynsha sheteldik kapıtal salymdarynyń jalpy qorjynynda tikeleı amerıkandyq ınvestısııalardyń úlesi 22%-ǵa jetip, 5,3 mlrd. AQSh. dollaryn qurady. Táýelsizdik jyldary amerıkalyq bıznes Qazaqstan ekonomıkasyna shamamen 47 mlrd. AQSh dollaryn quıdy.
QR Ulttyq ekonomıka
mınıstrligi Statıstıka komıtetiniń málimetterine sáıkes Qazaqstanda amerıkalyq
kompanııalardyń 160-qa jýyq ókildigi jáne Qazaqstan-amerıkandyq birlesken
350-den astam kásiporny jumys isteıdi.
Sońǵy jyldary Qazaqstanǵa
Primus Power, Spancrete, Uber, "Starbucks", McDonalds jáne Netflix sııaqty
amerıkalyq kompanııalar kirdi.
Bıylǵy 15 mamyrda
SIM alańynda «Básekege qabiletti Qazaqstan! 3-shi jyl saıynǵy
qazaqstandyq-amerıkandyq bıznes-forýmy ótti. Oǵan syrtqy ister, aýyl sharýashylyǵy,
densaýlyq saqtaý jáne t. b. mınıstrlikteriniń basshylary, sondaı-aq 28 iri
amerıkalyq kompanııanyń, onyń ishinde Coca Cola, Gilead, HP, Microsoft, Valley
Irrigation jáne t. b. basshylary qatysty.
Bul dıalog alańda
qatysýshylarǵa QR Úkimetiniń eldegi iskerlik ortany odan ári jaqsartý boıynsha
sharalarymen, onyń ishinde sheteldik ınvestorlarmen jumys jónindegi biryńǵaı
ekojúıeni qurý boıynsha sharalarymen, sondaı-aq otandyq ekonomıkany jańǵyrtý,
ártaraptandyrý jáne sıfrlandyrý jónindegi memlekettik baǵdarlamalardy iske
asyrý barysymen tanysýǵa múmkindik berildi.
Amerıkalyq ınvestorlar taý-ken
ónerkásibi, mashına qurastyrý, óndirýshi ónerkásip jáne t.b. salalarda birqatar jobalardy iske
asyrdy.
Qazirgi ýaqytta QR SIM
Investısııa komıteti «Kazakh Invest» Ulttyq kompanııasymen birlesip, Qazaqstan
úshin mańyzdy agrarlyq óńdeý, farmasevtıka ónerkásibi, JÚK sııaqty ekonomıka
sektorlarynda amerıkandyq kapıtaldyń qatysýymen shamamen 20 áleýetti jobany
pysyqtaýda.
Chevron kompanııasy Atyraý oblysynda eýropalyq tehnologııa boıynsha qubyr armatýrasyn óndirý jobasyn iske asyrdy. Zaýyt uzaq ýaqyt qyzmet etý ereksheligi bar ilmekti armatýrany óndiredi.
Nur-Sultanda General Electric Transportation kompanııasynyń qatysýymen az otyn jumsaıtyn jáne joǵary ekologııalyq taza GE Evolution zamanaýı lokomotıv óndiretin zaýyt quryldy. Zaýyttyń iske qosylýy Qazaqstannyń eksporttyq áleýetiniń jańa baǵytyn ashty jáne ınnovasııalyq taýardy Ortalyq Azııa elderine shetkizýge múmkindik ashty.
