Qazir elimizdiń barlyq óńirleri Abaı óleńderin oqý is-sharasyna belsendi atsalysýda. Mádenı shara Qazaqstan halqy Assambleıasy jastary tarapynan da qoldaý taýyp, áleýmettik jelilerde #Abai175 chellendjine belsene qatysa bastaǵan bolatyn.
Dostyq úıinde jalǵasyn tapqan shara barysynda Janseıit Túımebaev Almaty qalalyq «Ahyska» túrik etnomádenı birlestigi tóraǵasynyń orynbasary Qazaqbaı Qasymov bastaǵan estafeta qatysýshylaryna Abaıdyń kitabyn syılyqqa tartý etip, 37-shi qara sózin oqydy. Assambleıa jastary da uly aqynnyń óleńderin jatqa aıtyp, án-kúımen árledi.
Mádenı kesh baǵdarlamasyna oraı J.Túımebaev Qazaqstan halqy Assambleıasynyń respýblıkalyq etnomádenı birlestikteriniń basshylarymen keńes ótkizip, elimizdegi ult ókilderi ortalyqtarynyń jumysyna qatysty birqatar máselelermen bólisti.
Al Parlament Májilisiniń depýtaty, Uıǵyr etnomádenı ortalyǵynyń tóraǵasy Shaımardan Nurymov Abaı óleńderin respýblıka jurtshylyǵy bolyp oqý jastar arasynda ádebıetimiz ben mádenıetimizdi nasıhattaýǵa, otansúıgishtikti damytýdaǵy mańyzdy rýhanı shara ekendigin atap ótti.
