Yntymaqtastyq kókjıegi
Sársenbi, 8 mamyr 2013 1:43
Oblysta alys-jaqyn sheteldermen áriptestik qatynastardy nyǵaıtýǵa baǵyt ustalýda. Ásirese, kórshiles eldermen tyǵyz yntymaqtastyq baılanys ornatýda tym táýir bastamalar ómirge kelýde. Buryn Reseıdiń shekaralas aımaqtarymen ekonomıkalyq áriptestik qatynas jaqsy jolǵa qoıylǵan bolatyn. Sońǵy jyldary áriptestik baılanys kókjıegin keńeıtýge qadam jasala bastady.
Sársenbi, 8 mamyr 2013 1:43
Oblysta alys-jaqyn sheteldermen áriptestik qatynastardy nyǵaıtýǵa baǵyt ustalýda. Ásirese, kórshiles eldermen tyǵyz yntymaqtastyq baılanys ornatýda tym táýir bastamalar ómirge kelýde. Buryn Reseıdiń shekaralas aımaqtarymen ekonomıkalyq áriptestik qatynas jaqsy jolǵa qoıylǵan bolatyn. Sońǵy jyldary áriptestik baılanys kókjıegin keńeıtýge qadam jasala bastady. О́tken jyly oblystyń jergilikti atqarýshy bılik ókilderi jáne kásipkerlerinen quralǵan delegasııasy Tatarstannyń astanasy Qazanda jáne Ázerbaıjannyń astanasy Bakýde bolyp, iskerlik baılanystardyń tinin bekitip, ózara tájirıbe almasyp, ekonomıkalyq yntymaqtastyqqa negiz qalap kelgen-di. Bul joly oblys ákimi Arhımed Muhambetov basqarǵan delegasııa Reseıdiń meılinshe qarqyndy damyp kele jatqan óńirleriniń biri – Kalýga oblysynda resmı saparmen bolyp qaıtty. Ondaǵy maqsat qazirgideı naryqtyq jaǵdaıda jumys isteýde ózara tájirıbe almasý jáne aımaqtardyń ındýstrııalyq-ınnovasııalyq damý máselelerin talqylaý bolyp tabylady.
– Mundaı iskerlik baılanystardyń bereri mol. Aqtóbelikter, ásirese, mashına jasaý jáne aýyl sharýashylyǵy salalaryna kóbirek nazar aýdardy. Iskerlik delegasııa aldymen kedendik termınal, logıstıkalyq keshen jáne «Rosva» ındýstrııalyq parki jumystarymen tanysty. Sondaı-aq, tek ındýstrııalyq parkti ashyp qana qoımaı, onda jumys isteıtin kadr máselesin sheshý de keshendi júrgiziledi eken. Parkte qajetti mamandyqtarǵa jumysshylar daıarlaýdyń úlgili úrdisi qalyptasqan. Mamandardyń bárin shetelde daıarlaý múmkin bolmaıtyndyqtan, olar ózderinde oqý ortalyqtaryn ashýdy jón kóripti. Munda tapsyrys berýshiniń belgileýimen jınaqtaýshy, mehanık, dánekerleýshi, taǵy da basqa mamandyqtar boıynsha oqytý qamtamasyz etilgen. Investordyń óz bıznesin ashýǵa degen oıyn júzege asyrýdyń da tetikteri jeńildetilgen, – deıdi oblystyq kásipkerlik jáne ónerkásip basqarmasynyń bastyǵy Marat Balmuqanov.
Sapar barysynda oblys ákimi Arhımed Muhambetov Kalýga oblysynyń gýbernatory Anatolıı Artamonovpen kezdesti. Olar ózara áńgime barysynda Qazaqstan men Reseı prezıdentteri Nursultan Nazarbaev pen Vladımır Pýtın ustanǵan strategııalyq baǵyttardy bekem qoldaıtyndyqtaryn bildirdi. Sondaı-aq, ózara yntymaqtastyq turǵysynan mańyzdy máselelerdi talqylap, birlesip jumys isteýdiń múmkindikterin qarastyrdy.
Sapar barysynda eki oblystyń saýda-ónerkásip palatalary arasynda uzaq merzimdi negizde, teń áriptestik, bir-biriniń múddesin eskerý jaǵdaıynda yntymaqtastyqty damytý týraly kelisimge qol qoıyldy.
Satybaldy SÁÝIRBAI,
«Egemen Qazaqstan».
Aqtóbe oblysy.
