Bári baılanystan bastalady
Sársenbi, 15 mamyr 2013 1:37
«Qazaqtelekom» aksıonerlik qoǵamynyń aıshyqty isi
Barys-kelistiń, alys-beristiń kóbeıýi úshin, álbette telekommýnıkasııalyq baılanystyń alar orny erekshe. О́ıtkeni, qazirgideı ushqyr ýaqytta utqyr ári jedel qarym-qatynassyz alǵa qoıǵan maqsatty júzege asyra almaı shań qaýyp qalatynyńyz anyq. Sondyqtan da izdenis tanytyp, onyń túıinin sheshýge de bolady eken. Mine, osyǵan baılanysty irgetasy berik qalanyp, uzaq jyldardyń enshisine jasalǵan jarqyn kórinis – aldaǵy kezdiń qam-qareketine boljanǵan bul jobanyń tusaýy da sátimen kesildi.
Sársenbi, 15 mamyr 2013 1:37
«Qazaqtelekom» aksıonerlik qoǵamynyń aıshyqty isi
Barys-kelistiń, alys-beristiń kóbeıýi úshin, álbette telekommýnıkasııalyq baılanystyń alar orny erekshe. О́ıtkeni, qazirgideı ushqyr ýaqytta utqyr ári jedel qarym-qatynassyz alǵa qoıǵan maqsatty júzege asyra almaı shań qaýyp qalatynyńyz anyq. Sondyqtan da izdenis tanytyp, onyń túıinin sheshýge de bolady eken. Mine, osyǵan baılanysty irgetasy berik qalanyp, uzaq jyldardyń enshisine jasalǵan jarqyn kórinis – aldaǵy kezdiń qam-qareketine boljanǵan bul jobanyń tusaýy da sátimen kesildi. «Qazaqtelekom» AQ jáne «Túrkimentelekom» MEK, SDH paıdalaný arqyly keıinen DWDM ótý boıynsha birlesken qurylys jumystary men telekommýnıkasııa jelileriniń túıisý jumystaryn aıaqtady. Tyń bastamaǵa tynys berip, qanjyǵasy maılanyp, aıshylyq alysty jaqyndatyp taǵy bir oljaǵa keneldi.
Ústimizdegi jylǵy mamyr aıynyń 11-inde Qazaqstan Prezıdenti Nursultan Nazarbaevtyń jáne Túrkimenstan Prezıdenti Gýrbangýly Berdimuhamedovtyń qatysýymen «Qazaqtelekom» AQ jáne «Túrkimentelekom» MEK telekommýnıkasııa jelileri túıisýiniń saltanatty ashylýy boldy. Onda eki el telekommýnıkasııa salasynyń qol jetkizgen jetistikteri laıyqty atap ótildi.
«Qazaqtelekom» AQ jáne «Túrkimentelekom» MEK zamanaýı ozyq qurylǵy SDH-dy paıdalaný arqyly keıinnen DWDM ótý boıynsha birlesken qurylys jumystary men telekommýnıkasııa jelileriniń túıisý jumystaryn tolyq aıaqtap mereıli mejeden kórindi.
Bekdash (Túrkimenstan) – Temirbaba (Qazaqstan) ýchaskesindegi telekommýnıkasııa jelileriniń túıisýi «Qazaqtelekom» AQ jelisi arqyly Túrkimenstan, Aýǵanstan jáne Irannyń toraptaryna, sondaı-aq trafıktiń Túrkimenstan tranzıtine Qazaqstan Respýblıkasynyń tranzıttik áleýetin paıdalaný arqyly, Reseıdiń, Eýropa jáne Ońtústik-Shyǵys Azııa baǵyttary arqyly qosylýyna múmkindik ashady. Atalmysh jobany júzege asyrý úshin «Qazaqtelekom» AQ tarapynan 178,5 shaqyrym talshyqty-optıkalyq kábil tóseldi. Ony eńserýge orasan qajyr-qaırat jumsaldy.
«Qazaqtelekom» AQ basqarma tóraǵasy Qýanyshbek Esekeevtiń aıtýynsha, Qazaqstannyń Eýrazııa qurylyǵynyń kindiginde ornalasýy sheteldik operatorlarǵa tranzıt qyzmetin usynýda óte-móte tıimdi bolmaq. Al tıimdilik qashanda kún tártibinen túspegen.
«Tranzıttik áleýetti iske asyrý maqsatynda biz barlyq shekara boıyndaǵy jetekshi operatorlarmen tikeleı túıisýdi uıymdastyrdyq. Osylaısha, «Qazaqtelekom» AQ Ortalyq Azııalyq hab retinde qalyptasty», – dedi óz kezeginde Qýanyshbek Esekeev.
Tranzıttik syıymdylyqty usyný boıynsha rynokqa shyǵý jolynda «Qazaqtelekom» aksıonerlik qoǵamy qazirgi qoldanystaǵy túıisýlerdi jáne jańadan salynatyn qurylystaǵy túıisýlerdi jańartyp jaqsartý jóninde udaıy jumystar júrgizýdi josparlap otyr. Árıne munyń bári keleshektiń kókjıegine qaraı jeteleıdi. Qazirgi ýaqytta kompanııanyń kommersııalyq paıdalanýynda 4 memleket (Túrkimenstandy qosqanda) bar. Munda 12 operatorymen barlyǵy 15 túıisý jelisi qalyptasqan. Bul túıisýlerdiń jalpy syıymdylyǵy – 290 Gbıt/s-dan artyǵyraq. Iá, jańashyldyqqa umtylǵan uıymshyl ujymnyń yjdahatty isi arqasynda osyndaı asqaraly asý alyndy. Kópke tıgizer paıdasy ulan-asyr mundaı ónegeniń órisi ár kezde keń bolmaq.
Marat AQQUL,
«Egemen Qazaqstan».
