Memlekettik qyzmet isteri vedomstvoaralyq jumys tobynyń otyrysynda elektrondy úkimet portalyndaǵy memlekettik qyzmet jáne qalada múmkindigi shekteýli jandar úshin nysandarǵa kirip-shyǵýdyń qoljetimdiligi talqylandy. Mamandardyń sózinshe, qurylys normasy men erejesine qaladaǵy bar ǵımarattar qana emes, jańa nysandardyń basym bóligi saı salynbaǵany anyqtalyp jatyr. Sondyqtan qabyldaıtyn komıssııa quramyn ózgertý máselesi kóterilýde.
«Qalada jańadan salynyp jatqan nysandar óte kóp. Sol boıynsha salynǵan qurylys normasy men erejesimen salystyrǵan kezde saı kelmeıdi. Jańa nysandardy qabyldaıtyn komıssııaǵa bizdiń departamentti qol jetimdilik boıynsha bizdiń departament qyzmetkerlerin qosý boıynsha usynys berildi», dedi Almaty qalasy Eńbek, áleýmettik qorǵaý jáne kóshi-qon departamenti baqylaý bóliminiń basshysy Rýslan Ysqaqov.
Jyl basynan beri osy turǵyda alyp shaharda 32 nysan tekserilgen. Aldymen memlekettik mekemeler,shaǵyn jáne orta bıznes nysandary nazarǵa alynǵan. Pandýstardyń talapqa saı emestigi, dabyl shaqyrý túımesiniń istemeıtini kekildi kemshilikter bar. Máselen, Almaty memlekettik bıznes kollejinde múgedekterge arnalǵan ájethana jáne taktıldi taqta joq bolyp shyqqan. Qazir bilim ordasy eskertýdi oryndap jatyr.
Qurylys normasy men erejesine sáıkes mynadaı taktıldi taqtaısha baǵananyń aınalasyna ornatylý kerek. Oqý orny bul olqylyqty jaqyn arady joıamyz dep otyr.
Odan bólek, jer asty jáne ústi ótkelderi jáne qoǵamdyq kólikterdegi múgedek jandarǵa arnalǵan jaǵdaı da qaralǵan. Munda da nysandardyń kembaǵal jandarǵa áli de qol jetimsiz ekendigi anyqtalypty. Eskertýlerdi oryndaý úshin 3 aı merzim berilgen. Al jańa nysandardy qabyldaýǵa eńbek, áleýmettik qorǵaý jáne kóshi-qon departamentiniń ókilderin engizý usynysy tıisti mekemege joldanbaq.
Kelesi jıyndy qyrkúıek aıynda ótedi.
ALMATY
