Maqsat – EKSPO-2017-ge úles qosý
Senbi, 16 aqpan 2013 7:49
Qazaqstan Ulttyq ınjenerlik akademııasy Batys Qazaqstan oblystyq bólimshesi tutastaı respýblıka boıynsha alǵanda ınjenerlik ǵylymdy damytý isine óz úlesterin qosyp keledi. Munda tıisti ǵylymı jumystarmen shuǵyldanýǵa barlyq jaǵdaılar týǵyzylǵan. Bólimshe janyndaǵy ǵylymı-tehnıkalyq keńeske tar óristilik emes, kerisinshe, jańasha ınnovasııalyq kózqarastar tán.
Senbi, 16 aqpan 2013 7:49
Qazaqstan Ulttyq ınjenerlik akademııasy Batys Qazaqstan oblystyq bólimshesi tutastaı respýblıka boıynsha alǵanda ınjenerlik ǵylymdy damytý isine óz úlesterin qosyp keledi. Munda tıisti ǵylymı jumystarmen shuǵyldanýǵa barlyq jaǵdaılar týǵyzylǵan. Bólimshe janyndaǵy ǵylymı-tehnıkalyq keńeske tar óristilik emes, kerisinshe, jańasha ınnovasııalyq kózqarastar tán.
Injenerlik ǵylym shekara tańdamaıdy. Osy turǵyda bólimshe ǵalymdary ǵylymı jumystar men izdenisterdi kórshiles reseılik áriptesterimen tyǵyz ıntegrasııalyq baılanysta júrgizip kele jatqany da quptaýǵa ábden laıyqty.
Sondaı-aq, óńirdegi ındýstrııalyq-ınnovasııalyq jobalardy iske asyrýǵa da jergilikti ınjener-ǵalymdar qosqan úles qomaqty. Munda ǵylymı jańalyqtar men jańa tehnologııalardy óndiriske engizýden alynǵan paıda men tıimdilik óte joǵary. Buǵan KazIITý ǵylym-bilim kesheniniń prezıdenti, Ulttyq ınjenerlik akademııanyń akademıgi Aqserik Áıtimov bastamashy bolyp keledi.
Aıtalyq, óńirde ótken jyly ǵylymı-tehnıkalyq salany damytýǵa 700 mıllıon teńgeden astam qarajat jumsalǵan. Joǵaryda aıtylǵandaı, onyń deni óndiris pen ónerkásiptik kásiporyndarǵa ınnovasııalyq úderisterdi engizýge baǵyttalǵan. Búgingi kúni óńirdegi ınjener ǵalymdar taıaý jáne alys shetelderdegi áriptesterimen baılanystardy jańa sapalyq deńgeıge kóterip otyr.
Oral óńirinde ótkizilip júrgen ǵylymı-tehnıkalyq keńestiń jumysyna olardyń qatysyp ózara oı-pikir almasýy turaqty sıpat alyp keledi. Ulttyq-ınjenerlik akademııa bólimshesi uıymdastyrǵan sońǵy májilisterdegi basty áńgime arqaýy EKSPO-2017 kórmesine ozyq ınjenerlik ǵylymı usynystar ázirleý qajettiligin týyndatty. Buǵan májiliske qatysqan sheteldik ǵalymdar da qyzyǵýshylyq pen múddelilik tanytty.
Temir QUSAIYN,
«Egemen Qazaqstan».
ORAL.
