Sońǵy 12 jylda bas shaharda birde-bir bilim úıi salynbaǵan eken. Bul altynshy qazaq mektebi sanalady. Qala ákimi Bolat Jumabekov jınalǵandardy alǵashqy qońyraý soǵylý merekesimen quttyqtap, ustazdar qaýymyna shyǵarmashylyq tabys tiledi.
Qurylys jumystary men materıaldyq-tehnıkalyq jabdyqtalýyna 1,5 mıllıard teńge jumsalyp, úsh qabatty nysannyń turǵyzylýymen «SK-Zerdeý» kompanııasy aınalysqan.
Mektep dırektory Sáýle Tursynova 34 kabınettiń 24-ne ınteraktıvti taqta men LED-ekran qoıylǵanyn, 130 oryndy ashana, akt, úlken, kishi sport zaldary, lıft jumys isteıtinin jetkizdi. 70 adam jumyspen qamtamasyz etilgen, olardyń 45-i–muǵalimder. Ár bala úshin arnaıy kıim orny qoıylǵan.
«Serpin» baǵdarlamasy arqyly M. Qozybaev atyndaǵy Soltústik Qazaqstan memlekettik ýnıversıtetinde qazaq tili men ádebıeti pánderi mamandyǵyn alyp shyqqan Ádilbek Amantaı osynda jumysqa qabyldanypty. Jambyl aýdanynda jabylyp qalǵan Ortalyq mektebinen kelgen Samat esimdi dene tárbıesi pániniń muǵalimi jáne bıyl joǵary oý ornyn bitirip kelgen 6 jas maman da eńbek jolyn osynda jalǵstyrmaq.
«Jas О́rken» shaǵyn aýdanynda salynyp jatqan 900 oqýshyǵa laıyqtalǵan qazaq mektebi bıyl iske qosylatyn bolsa, taǵy bir bilim úıine jer telimderi bólinip, qujattary rásimdelýde, Sonda Petropavl qalasynda barlyǵy 8 ulttyq mektep bolady. Bul jaǵynan eriskeı óńirlerde ozyp tur.
Soltústik Qazaqstan oblysy.
Sýretti túsirgen Amangeldi BEKMURATOV.
