«Biz TShO-nyń qyzmeti el men oblysqa ekonomıkalyq paıdasyn ǵana emes, sonymen qatar ózimiz turyp jatqan jergilikti qoǵamdastyqtyń áleýmettik ál-aýqatyna oń áserin tıgizip otyrǵanyna qýanyshtymyz. Atyraý oblysynyń ákimdigimen jáne jurtshylyqpen tyǵyz yntymaqtastyǵymyz ári qaraı ónimdi túrde jalǵasady degen úmittemiz. Barlyǵymyz osyndaı óńirge qajetti áleýmettik ınfraqurylym nysandarynyń paıda bolýyna áli de birge kýá bolamyz dep senemin», - dep atap ótti mekteptiń ashylý saltanatyna qatysqan Rzabek Artyǵalıev, TShO-nyń úkimetpen jáne jurtshylyqpen baılanys bóliminiń bas menedjeri. Mekteptiń ashylý rásimine qatysqan qala ákimi Álımuhammed Quttymuratuly balalardy, muǵalimderdi jáne ata-analardy bilim kúnimen quttyqtaı otyryp, Teńizshevroıl JShS-ń oblystyń áleýmettik ınfraqurylymynyń damýyna qosqan úlesin atap ótti. «О́ńirimizdegi áleýmettik mańyzy zor nysandarynyń qurylys jumystary birneshe jyl qatarynan Teńizshevroıl mekemesiniń demeýshiligimen atqarylyp keledi. Áleýeti mol mekemeniń jumysyna sizderdiń attarynyzdan alǵysymdy bildiremin», - dedi Quttymuratuly myrza jınalǵan qaýymǵa. Sondaı-aq búgingi Bilim kúninde alǵashqy qońyraý 59 qala mektepterinde soǵylǵany týraly da aıtyp ketti. Joǵaryda aıtyp ótkenimizdeı, jańa mektep Juldyz shaǵyn aýdanyndaǵy alǵashqy orta bilim berý ornyna aınalǵaly otyr. Osyǵan deıin oqýshylar bilim alý úshin kórshi aýyldaǵy mektepke barýǵa májbúr bolǵan edi. Josparǵa sáıkes, mektep ǵımaraty úsh saty boıynsha 25 synypty oqytýǵa arnalǵan. Birinshi saty úshin 8 synyp, al ekinshi jáne úshinshi satylar úshin, sáıkesinshe, 11 jáne 6 synyp qarastyrylǵan. Mektep aýmaǵy tennıs, basketbol jáne fýtbol alańdarymen, júgirýge arnalǵan joldarmen, sondaı-aq ashyq aspanda jattyǵýlar jasaýǵa arnalǵan arnaıy oryndarmen jabdyqtalǵan.
Osy jyly «Igilik» erikti baǵdarlamasy aıasynda qala qoldanysyna 50 avtobýssatyp alý, Atyraý oblysy Inder aýdanyna eki áleýmettik-mádenı ortalyǵyn, sonymen qatar oblystyń Jylyoı aýdanyna dene shynyqtyrý-saýyqtyrý kesheni men balabaqsha salý sekildi jobalar qarjylandyrylǵan bolatyn. Jyldyq bıýdjeti 25 mln AQSh dollary bolatyn «Igilik» erikti baǵdarlamasy «Teńizshevroıl» JShS-niń Atyraý oblysyndaǵy áleýmettik ınfraqurylym jobalaryn qoldaýǵa baǵyttalǵan korporatıvtik jaýapkershiligi salasyndaǵy negizgi bastamalarynyń biri bolyp tabylady. Osy kúnge deıin atalmysh baǵdarlama aıasynda 90-nan astam joba júzege asyryldy. 1993 jyldan bastap TShO-nyń áleýmettik salaǵa qosqan jalpy úlesi 1,8 mlrd AQSh dollardan asty.
