Oral transformator zaýytynyń basqarýshy dırektory Aqjol Saýranbaev habarlaǵandaı, zaýytta úsh aýysymda 300-den astam adam jumys isteıdi. Bıyl 9 myń transformator shyǵarý josparlanǵan, bul óndiris ósiminiń 35%-yn quraıdy. Kelesi jyly jobalyq qýattylyǵyna shyǵyp, óndiris kólemin jylyna 12 myń transformatorǵa deıin arttyrý kózdelgen.
«Eksport kólemi 95%-dy quraıdy. TMD elderine: Reseı Federasııasyna, Grýzııaǵa, Ázerbaıjanǵa jáne Armenııaǵa eksporttaımyz», dedi A. Saýranbaev.
Kelesi jyly paneldi radıatorlardyń jańa óndirisin iske qosý josparlanǵan. Josparlanyp otyrǵan óndiristik qýattylyǵy – jylyna 3000 tonna radıator. О́nimderdiń 30%-y ishki naryqqa jiberiledi, al 70%-y – eksporttalady. Kásiporynda qosymsha 100-den asa jańa jumys orny qurylady.
«Aldaǵy 2 jylda jańa ónim túrlerin shyǵarý arqyly óndiristi keńeıtýdi josparlap otyrmyz. Bul – transformator quraýǵa qajetti bólshekter men materıaldar, paneldi radıatorlar, ızolıasııalyq qaǵazdar jáne t.b.», dedi kásiporyn dırektory.
Onyń aıtýynsha, jobanyń ereksheligi mynada — bul ónim túrleri 70% eksportqa baǵdarlanǵan jáne EAEO elderiniń aýmaǵynda shyǵarylmaıdy. Shyǵarylatyn ónimniń negizgi tutynýshylary Reseı men Belarýstiń transformator zaýyttary bolmaq.
Sonymen qatar kásiporynda qosarly oqytý júıesi boıynsha kadrlardy oqytý jáne daıarlaý qarastyrylǵan. Buǵan qosa, zaýytta áleýmettik qoldaý baǵdarlamalary bar. Máselen, zaýyttyń jas mamandaryna 500 myń teńgeden bólinedi, balasy týǵan jaǵdaıda ár bala úshin 250 myń teńge kóleminde bir rettik járdemaqy beriledi. 40-qa jýyq kóp balaly otbasyǵa, sondaı-aq, jas mamandarǵa zaýyt tarapynan tegin turǵyn-jaı berý múmkindigi qarastyrylǵan. Kásiporyndaǵy ortasha jalaqy mólsheri 165 myń teńgeni quraıdy.
