Qazaqstan Respýblıkasynyń Zańy № 69-V QRZ
Seısenbi, 22 qańtar 2013 6:39
Qazaqstan Respýblıkasynyń keıbir zańnamalyq aktilerine Qazaqstan Respýblıkasy Ishki ister mınıstrliginiń Ishki áskerleri máseleleri boıynsha ózgerister men tolyqtyrýlar engizý týraly
Seısenbi, 22 qańtar 2013 6:39
Qazaqstan Respýblıkasynyń keıbir zańnamalyq aktilerine Qazaqstan Respýblıkasy Ishki ister mınıstrliginiń Ishki áskerleri máseleleri boıynsha ózgerister men tolyqtyrýlar engizý týraly
1-bap. Qazaqstan Respýblıkasynyń myna zańnamalyq aktilerine ózgerister men tolyqtyrýlar engizilsin:
1. «Qazaqstan Respýblıkasy Ishki ister mınıstrliginiń Ishki áskerleri týraly» 1992 jylǵy 23 maýsymdaǵy Qazaqstan Respýblıkasynyń Zańyna(Qazaqstan Respýblıkasy Joǵarǵy Keńesiniń Jarshysy, 1992 j., № 11-12, 290-qujat; № 24, 592-qujat; 1993 j., № 8, 179-qujat; 1995 j., № 1-2, 17-qujat; № 23, 155-qujat; Qazaqstan Respýblıkasy Parlamentiniń Jarshysy, 1997 j., № 7, 79-qujat; № 12, 184-qujat; № 13-14, 205-qujat; 1998 j., № 23, 416-qujat; № 24, 436-qujat; 1999 j., № 8, 233, 247-qujattar; 2001 j., № 13-14, 174-qujat; № 20, 257-qujat; № 24, 336-qujat; 2004 j., № 23, 142-qujat; № 24, 155-qujat; 2007 j., № 15, 107-qujat; 2008 j., № 10-11, 39-qujat; 2010 j., № 7, 32-qujat; № 24, 149-qujat; 2011 j., № 1, 7-qujat; № 11, 102-qujat; № 16, 129-qujat; 2012 j., № 3, 26-qujat, № 5, 41-qujat):
1-baptyń ekinshi bóligi mynadaı redaksııada jazylsyn:
«Ishki áskerlerdiń týy jáne rámizi bolady. Ishki áskerler óńirlik qolbasshylyqtarynyń, quramalary men áskerı bólimderiniń belgilengen úlgidegi jaýyngerlik jalaýlary bolady.»;
2-bapta:
ekinshi bólik mynadaı redaksııada jazylsyn:
«Ishki áskerlerge júktelgen mindetterdi oryndaýdy:
Ishki áskerlerdi áskerı basqarý organdary;
jedel maqsattaǵy quramalar men áskerı bólimder;
mańyzdy memlekettik obektiler men arnaıy júkterdi kúzetý jónindegi arnaıy áskerı bólimder;
túzeý mekemelerin kúzetý jáne aıdaýyldaý jónindegi quramalar men áskerı bólimder;
arnaıy motorlandyrylǵan quramalar men áskerı bólimder;
Ishki áskerlerdiń áskerı polısııasy;
Ishki áskerlerdiń joǵary áskerı oqý orny;
Ishki áskerlerdiń qyzmetin qamtamasyz etetin áskerı bólimder (oqý, baılanys jáne basqa);
avıasııalyq áskerı bólim;
arnaıy maqsattaǵy áskerı bólimder (bólimsheler) júzege asyrady.»;
mynadaı mazmundaǵy úshinshi bólikpen tolyqtyrylsyn:
«Qazaqstan Respýblıkasynyń zańnamasyna sáıkes Ishki áskerler Bas qolbasshysyna tikeleı baǵynysty quramalar men áskerı bólimderdi qospaǵanda, quramalar men áskerı bólimder Ishki áskerlerdiń óńirlik qolbasshylyqtarynyń quramyna kiredi.»;
3) 4-bap mynadaı redaksııada jazylsyn:
«4-bap. Ishki áskerlerdiń qyzmetin uıymdastyrýdyń qaǵıdattary men negizderi
Ishki áskerlerdiń qyzmeti zańdylyq, gýmanızm, jeke adam quqyqtaryn saqtaý jáne dara basshylyq qaǵıdattarynda júzege asyrylady.
Áskerlerdi tikeleı basqarýdy Ishki áskerler Bas qolbasshysy júzege asyrady.
Oblystardyń, respýblıkalyq mańyzy bar qalanyń jáne astananyń ishki ister departamentteriniń bastyqtary tıisti oblystardyń, respýblıkalyq mańyzy bar qalanyń jáne astananyń aýmaqtarynda ornalasqan jáne qoǵamdyq tártipti qorǵaý, túzeý mekemelerin kúzetý jónindegi jáne tótenshe jaǵdaılar kezinde, sondaı-aq Qazaqstan Respýblıkasynyń zańnamasynda Ishki áskerlerge júktelgen basqa da mindetterdi sheshý jónindegi mindetterdi oryndaıtyn Ishki áskerler quramalary men áskerı bólimderiniń komandırlerine qatysty aǵa jedel bastyqtar bolyp tabylady.»;
4) 7-baptyń úshinshi abzasy mynadaı redaksııada jazylsyn:
«Ishki áskerler Bas qolbasshysyn qyzmetke taǵaıyndaıdy, qyzmetten bosatady;»;
5) 8-baptyń ekinshi abzasy mynadaı redaksııada jazylsyn:
«Ishki áskerlerdiń uıymdyq qurylymyn, shtat sany lımıtin, ornalastyrylýyn bekitedi;»;
6) 10-baptyń toǵyzynshy abzasy mynadaı redaksııada jazylsyn:
«Ishki áskerler Bas qolbasshysynyń orynbasarlaryn, Ishki áskerler óńirlik qolbasshylyqtarynyń qolbasshylary men olardyń orynbasarlaryn, Ishki áskerlerdiń joǵary áskerı oqý ornynyń bastyǵyn, Ishki áskerler quramalarynyń komandırlerin qyzmetke taǵaıyndaıdy jáne qyzmetten bosatady, Ishki áskerlerdiń ofıserlerin qyzmetten shyǵarady, ofıserlik quramnyń alǵashqy áskerı ataǵyn jáne «polkovnık» áskerı ataǵyn beredi.»;
7) 10-1-bapta:
taqyryby jáne birinshi abzas mynadaı redaksııada jazylsyn:
«10-1-bap. Ishki áskerler Bas qolbasshysy
Ishki áskerler Bas qolbasshysy:»;
altynshy jáne toǵyzynshy abzastar mynadaı redaksııada jazylsyn:
«Qazaqstan Respýblıkasynyń zańnamasyna sáıkes Ishki áskerler ofıserleriniń áskerı qyzmetti ótkerý máselelerin sheshedi, qyzmetke taǵaıyndaıdy, qyzmetten bosatady, kezekti áskerı ataqtar beredi, ofıserlik quramnyń áskerı ataqtaryn tómendetedi, podpolkovnıkti qosa alǵanǵa deıingilerdi zapasqa nemese otstavkaǵa shyǵarady;»;
«Ishki ister mınıstrine Ishki áskerler Bas qolbasshysynyń orynbasarlaryn, Ishki áskerler óńirlik qolbasshylyqtarynyń qolbasshylary men olardyń orynbasarlaryn, Ishki áskerlerdiń joǵary áskerı oqý ornynyń bastyǵyn, Ishki áskerler quramalarynyń komandırlerin qyzmetke taǵaıyndaý jáne qyzmetten bosatý týraly usynystar engizedi.»;
8) mynadaı mazmundaǵy 10-2-bappen tolyqtyrylsyn:
«10-2-bap. Ishki áskerlerdiń óńirlik qolbasshylyq qolbasshysy
Ishki áskerlerdiń óńirlik qolbasshylyq qolbasshysy:
óńirlik qolbasshylyqtyń baǵynysty quramalary men áskerı bólimderiniń turaqty jaýyngerlik jáne jumyldyrý ázirligin ustap turady;
áskerlerdiń qyzmettik-jaýyngerlik qyzmetine, jedel jáne jaýyngerlik daıarlyǵyna, ozyq tájirıbeni engizýge, materıaldyq bazany damytýǵa jáne jeke quram úshin qajetti áleýmettik-turmystyq jaǵdaılar jasaýǵa basshylyq etedi;
buıryqtar men ókimder shyǵarady;
Qazaqstan Respýblıkasynyń zańnamasyna sáıkes Ishki áskerlerdiń óńirlik qolbasshylyǵy quramyna kiretin quramalar men áskerı bólimderdiń áskerı qyzmetshileriniń áskerı qyzmetti ótkerý máselelerin sheshedi;
qyzmetke taǵaıyndaıdy jáne qyzmetten bosatady, kezekti áskerı ataqtar beredi, joǵary serjanttyq quramdy qospaǵanda, kelisimshart boıynsha kapıtandy qosa alǵanǵa deıingi áskerı qyzmetshilerdi zapasqa nemese otstavkaǵa shyǵarady jáne Ishki áskerler Bas qolbasshysyna ofıserlik quramnyń áskerı ataqtaryn tómendetý jóninde usynystar engizedi.»;
9) 11-bapta:
ekinshi jáne tórtinshi abzastar mynadaı redaksııada jazylsyn:
«óz quzyreti sheginde vedomstvolyq baǵynysty aýmaqta Ishki áskerlerdiń óńirlik qolbasshylyqtaryn, quramalaryn, áskerı bólimderi men bólimshelerin qurý men ornalastyrý jónindegi Ishki ister mınıstriniń usynystaryn qaraýǵa qatysady;»;
«Ishki áskerlerdiń óńirlik qolbasshylyqtarynyń, quramalary men áskerı bólimderiniń qolbasshylyǵyna Ishki áskerlerge áskerı qyzmetke shaqyrýdy uıymdastyrýda járdem kórsetedi;»;
10) 13-baptyń úshinshi abzasy mynadaı redaksııada jazylsyn:
«quramalar men áskerı bólimderdiń komandırlerimen birlesip, Ishki áskerlerdiń jedel maqsattaǵy quramalary men áskerı bólimderi jáne arnaıy motorlandyrylǵan bólimderi úshin olardyń sanyna qaraı qyzmettik mindetterdiń kólemin aıqyndaıdy;»;
11) 14-baptyń ekinshi bóligi mynadaı redaksııada jazylsyn:
«Áskerı keńestiń quramyn Ishki áskerler Bas qolbasshysynyń usynýy boıynsha Ishki ister mınıstri bekitedi.»;
12) 15-bap mynadaı redaksııada jazylsyn:
«15-bap. Ishki áskerlerdi áskerı basqarý organdary
Ishki áskerler Bas qolbasshylyǵy – Ishki áskerler komıteti Ishki áskerlerdi áskerı basqarýdyń jedel-strategııalyq organy bolyp tabylady, áskerlerdi turaqty jaýyngerlik jáne jumyldyrý ázirliginde ustap turýǵa, Ishki áskerlerdiń qurylysy jáne damýy josparlaryn ázirleýge jáne iske asyrýǵa, olardyń uıymdyq-shtattyq qurylymyn jetildirýge, Ishki áskerlerdiń qyzmettik-jaýyngerlik qyzmetin uıymdastyrýǵa arnalǵan jáne Qazaqstan Respýblıkasy Qarýly Kúshteriniń Bas shtabymen birlesip, birlesken is-qımyldar nusqalaryn josparlaıdy.
Ishki áskerlerdiń óńirlik qolbasshylyǵy Qazaqstan Respýblıkasynyń zańnamasyna sáıkes óz qyzmetin belgili bir aýmaqta júzege asyratyn áskerı basqarýdyń jedel-aýmaqtyq organy bolyp tabylady.».
2. «Qazaqstan Respýblıkasynyń Ishki ister organdary týraly»
1995 jylǵy 21 jeltoqsandaǵy Qazaqstan Respýblıkasynyń Zańyna (Qazaqstan Respýblıkasy Joǵarǵy Keńesiniń Jarshysy, 1995 j., № 23, 154-qujat; Qazaqstan Respýblıkasy Parlamentiniń Jarshysy, 1997 j., № 7, 79-qujat; № 12, 184-qujat; 1998 j., № 17-18, 225-qujat; № 23, 416-qujat; № 24, 436-qujat; 1999 j., № 8, 233, 247-qujattar; № 23, 920-qujat; 2000 j., № 3-4, 66-qujat; 2001 j., № 13-14, 174-qujat; № 17-18, 245-qujat; № 20, 257-qujat; № 23, 309-qujat; 2002 j., № 17, 155-qujat; 2003 j., № 12, 82-qujat; 2004 j., № 23, 142-qujat; № 24, 154, 155-qujattar; 2006 j., № 1, 5-qujat; № 3, 22-qujat; 2007 j., № 2, 18-qujat; № 3, 20-qujat; № 9, 67-qujat; № 10, 69-qujat; 2008 j., № 15-16, 61-qujat; 2009 j., № 8, 44-qujat; № 18, 84-qujat; № 19, 88-qujat; 2010 j., № 5, 23-qujat; № 7, 28, 32-qujattar; № 8, 41-qujat; № 24, 149-qujat; 2011 j., № 1, 2, 3-qujattar; № 2, 25-qujat; № 11, 102-qujat; № 12, 111-qujat; 2012 j., № 3, 26-qujat; № 4, 32-qujat; № 5, 35-qujat; № 8, 64-qujat; № 15, 97-qujat):
6-baptyń 2-tarmaǵynyń 3-1) tarmaqshasyndaǵy «qolbasshysy» degen sóz «Bas qolbasshysy» degen sózdermen aýystyrylsyn.
2-bap. Osy Zań alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Prezıdenti N. NAZARBAEV.
Astana, Aqorda, 2013 jylǵy 15 qańtar. № 69-V QRZ
